Bir jyldyq kidiristen keiin Olimpiada alaýy Tokioǵa da jetti, dep habarlaidy "Ult aqparat" Ulttyq Olimpiada komitetiniń saityna silteme jasap.
Olimpiada alaýy Tokioǵa 120 kúndik saparynyń sońǵy eki aptasynda Japoniiadaǵy barlyq 47 prefektýrany aralap keldi.
«Úmit bizdiń jolymyzdy nurlandyrady» degen uranmen saiahattaǵan alaý 1964 jyly Tokio Olimpiadasyna arnalyp salynǵan Komadzava Olimpiada parki stadionynda saltanatty túrde qarsy alyndy.
«Men alaý estafetasyn sátti ótkizýge kómekteskenderge shyn júrekten rizashylyǵymdy bildirgim keledi. Biz búkil Japoniiadaǵy adamdardyń kómegimen qiyn jaǵdailardy jeńe aldyq», - dedi Tokio gýbernatory Koike Iýriko.
Alaýdy úsh dúrkin paralimpiada oiynshysy Tagýchi Aki podiýmǵa alyp shyqty.
Buǵan deiin Japoniia biligi COVID-19 taralýyna bailanysty 12 shilde men 22 tamyz aralyǵynda jariialanǵan tótenshe jaǵdaiǵa bailanysty jazǵy Olimpiada oiyndaryna kórermenderdi jibermeý týraly sheshim qabyldaǵan bolatyn.
Oiyndar 23 shilde men 8 tamyz aralyǵynda ótedi.
