بٸر جىلدىق كٸدٸرٸستەن كەيٸن وليمپيادا الاۋى توكيوعا دا جەتتٸ, دەپ حابارلايدى "ۇلت اقپارات" ۇلتتىق وليمپيادا كوميتەتٸنٸڭ سايتىنا سٸلتەمە جاساپ.
وليمپيادا الاۋى توكيوعا 120 كٷندٸك ساپارىنىڭ سوڭعى ەكٸ اپتاسىندا جاپونيياداعى بارلىق 47 پرەفەكتۋرانى ارالاپ كەلدٸ.
«ٷمٸت بٸزدٸڭ جولىمىزدى نۇرلاندىرادى» دەگەن ۇرانمەن ساياحاتتاعان الاۋ 1964 جىلى توكيو وليمپياداسىنا ارنالىپ سالىنعان كومادزاۆا وليمپيادا پاركٸ ستاديونىندا سالتاناتتى تٷردە قارسى الىندى.
«مەن الاۋ ەستافەتاسىن سەتتٸ ٶتكٸزۋگە كٶمەكتەسكەندەرگە شىن جٷرەكتەن ريزاشىلىعىمدى بٸلدٸرگٸم كەلەدٸ. بٸز بٷكٸل جاپونيياداعى ادامداردىڭ كٶمەگٸمەن قيىن جاعدايلاردى جەڭە الدىق», - دەدٸ توكيو گۋبەرناتورى كويكە يۋريكو.
الاۋدى ٷش دٷركٸن پاراليمپيادا ويىنشىسى تاگۋچي اكي پوديۋمعا الىپ شىقتى.
بۇعان دەيٸن جاپونييا بيلٸگٸ COVID-19 تارالۋىنا بايلانىستى 12 شٸلدە مەن 22 تامىز ارالىعىندا جارييالانعان تٶتەنشە جاعدايعا بايلانىستى جازعى وليمپيادا ويىندارىنا كٶرەرمەندەردٸ جٸبەرمەۋ تۋرالى شەشٸم قابىلداعان بولاتىن.
ويىندار 23 شٸلدە مەن 8 تامىز ارالىعىندا ٶتەدٸ.
