Kollaj: Stan.kz
Shymkent-Astana baǵyty boiynsha 4 qazanda ushýy kerek bolǵan FlyArystan ushaǵy bir táýlikten beri kókke kóterile almai jatyr. Al ondaǵy reicti kútken 180 jolaýshy áýejaida áli júr. Bul týraly Stan.kz aqparat agenttigi habarlaidy.
FlyArystan ushaǵy keshe túski úshte Shymkentten Astanaǵa ushýy kerek bolǵan. Alaida reis 20 minýttan keiinge shegerilip, keshki bester shamasynda bir-aq qozǵalypty. Sodan jyljyǵan áýe kemesi kókke kóterile almai jurttyń bári daýryqty deidi jolaýshylardyń biri.
"Ushaq ishinde eki júzge jýyq jolaýshy otyrdyq. Reisti eki saǵat kútkenimiz azdai ólim aýzynan qaldyq. Áýe kemesiniń dóńgelegi júrip ushýǵa sailanyp bara jatqanda qatty daýystar shyǵyp, bárimiz aiǵaiǵa bastyq. Áiteýir amanbyz. Al ushaq sol kúii kóterilmei jerge qondy. Sodan beri jolaýshylardyń bári áýejaida sandalyp júr. Qonaqúige de ornalastyrmady", – Aigúl Myrzabekova.
Jolaýshy sózinshe kompaniia ókilderi mán-jaidy túsindirmegen. Jolynan qalǵan jurttyń endi qashan ushatynyn da aita almai otyr eken.
"Bizge ushaqtyń bir qurylǵysy isten shyqqanyn aityp jatyr. Ony tek shet elde satady eken. Endi sony kútip otyr. Ol zattyń Qazaqstanǵa qashan jetkiziletinin de bir qudai biledi. Ne aqshamyzdy qaitarmaidy, ne basqa áýe kompaniialarymen kelisip ushyrmaidy", – deidi jolaýshy Aigúl Myrzabekova.
