Olimpiada chempiony Olga Shishigina QR Qorǵanys ministrliginiń ortalyq sport klýbynyń tóraǵasy bolyp taǵaiyndaldy. Jańa basshyny jeke quramǵa Qorǵanys ministri Rýslan Jaqsylyqov tanystyrdy, dep habarlaidy QazAqparat.
Ministr bul taǵaiyndaý joǵary jetistikterge umtylatyn armiia sportshylary úshin tamasha múmkindik ekenin jetkizdi.
Sonymen qatar Rýslan Jaqsylyqov Almatydaǵy Ásker úiinde boldy. Keńes Odaǵynyń Batyry, general-maior Ivan Panfilovtyń nemeresi Alýa Baiqadamova basqaratyn aty ańyzǵa ainalǵan Panfilov diviziiasyna arnalǵan murajaida qurmetti qonaqtar kitabyna jazba qaldyrdy.
Olga Shishigina - qazaqstandyq sportshy, 2000 jyly Sidneide ótken Olimpiada oiyndarynyń altyn júldegeri.
Bir jyl buryn ol 100 metrge kedergiler arqyly júgirýden jabyq keshendegi álem chempiony atandy.
Eńbek sińirgen sport sheberi, Qazaq memlekettik týrizm jáne sport akademiiasynyń jeńil atletika kafedrasynyń meńgerýshisi.
Sonymen qatar UQK shekara qyzmetinde sport nusqaýshysy qyzmetin atqardy. Podpolkovnik sheni bar.
2013 jyldan bastap QR Parlamenti Májilisiniń depýtaty boldy.
I dárejeli «Barys», «Qurmet», «Daryn» ordenderimen marapattalǵan.
