QR Qarýly Kúshteriniń maiory Olga Rypakova «World Athletics» atletter komissiiasyna múshe boldy. Ashyq daýys berý Halyqaralyq jeńil atletika federatsiialary qaýymdastyǵy (IAAF) keńesiniń Monakodaǵy otyrysynda ótti, dep habarlaidy "Ult aqparat" QR Qorǵanys ministrligine silteme jasap habarlaidy.
Olimpiada chempiony, QR Qorǵanys ministrligi Armiia ortalyq sport klýbynyń sportshysy Olga Rypakova atletter komissiiasyna taǵaiyndalýy týraly pikir bildirdi.
«World Athletics» atletter komissiiasyna múshe bolý – úlken abyroi. Óitkeni, ol – jeńil atletika uiymdary men jarystaryna basshylyq etetin joǵary organ. Onyń quramynda bolý – sportty jaqsartatyn usynystar aitý múmkindigi. Ózge áriptesterimdi de osy komissiiaǵa múshe bolyp sailanýymen quttyqtaimyn. Biz birge kóp sharýa tyndyra alamyz. Ózime bildirilgen senimdi aqtap, elimizdiń atynan «World Athletics» quramynda laiyqty jumys isteýge barymdy salamyn», – dedi sportshy.
Aita keteiik, «World Athletics» atletter komissiiasyna alty sportshy sailanady. Halyqaralyq jeńil atletika federatsiialary qaýymdastyǵyna búginde álemdegi 212 el múshe.
