قر قارۋلى كٷشتەرٸنٸڭ مايورى ولگا رىپاكوۆا «World Athletics» اتلەتتەر كوميسسيياسىنا مٷشە بولدى. اشىق داۋىس بەرۋ حالىقارالىق جەڭٸل اتلەتيكا فەدەراتسييالارى قاۋىمداستىعى (IAAF) كەڭەسٸنٸڭ موناكوداعى وتىرىسىندا ٶتتٸ, دەپ حابارلايدى "ۇلت اقپارات" قر قورعانىس مينيسترلٸگٸنە سٸلتەمە جاساپ حابارلايدى.
وليمپيادا چەمپيونى, قر قورعانىس مينيسترلٸگٸ ارمييا ورتالىق سپورت كلۋبىنىڭ سپورتشىسى ولگا رىپاكوۆا اتلەتتەر كوميسسيياسىنا تاعايىندالۋى تۋرالى پٸكٸر بٸلدٸردٸ.
«World Athletics» اتلەتتەر كوميسسيياسىنا مٷشە بولۋ – ٷلكەن ابىروي. ٶيتكەنٸ, ول – جەڭٸل اتلەتيكا ۇيىمدارى مەن جارىستارىنا باسشىلىق ەتەتٸن جوعارى ورگان. ونىڭ قۇرامىندا بولۋ – سپورتتى جاقسارتاتىن ۇسىنىستار ايتۋ مٷمكٸندٸگٸ. ٶزگە ەرٸپتەستەرٸمدٸ دە وسى كوميسسيياعا مٷشە بولىپ سايلانۋىمەن قۇتتىقتايمىن. بٸز بٸرگە كٶپ شارۋا تىندىرا الامىز. ٶزٸمە بٸلدٸرٸلگەن سەنٸمدٸ اقتاپ, ەلٸمٸزدٸڭ اتىنان «World Athletics» قۇرامىندا لايىقتى جۇمىس ٸستەۋگە بارىمدى سالامىن», – دەدٸ سپورتشى.
ايتا كەتەيٸك, «World Athletics» اتلەتتەر كوميسسيياسىنا التى سپورتشى سايلانادى. حالىقارالىق جەڭٸل اتلەتيكا فەدەراتسييالارى قاۋىمداستىعىنا بٷگٸندە ەلەمدەگٸ 212 ەل مٷشە.
