Oleg Krýk Pavlodar oblysy ákiminiń mindetin atqarýshy laýazymyna taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
"Oleg Pavlovich Krýk Pavlodar oblysy ákiminiń mindetin ýaqytsha atqarýshy bolyp taǵaiyndalsyn" - delingen Jarlyq mátininde.
Oleg Krýk 1967 jyly týǵan, Pavlodar indýstrialdyq institýtyn bitirgen. Ónerkásiptik jylý energetikasy injeneri biliktiligi bar. Pavlodar oblystyq máslihatynyń VI shaqyrylym depýtaty bolǵan.
Eńbek jolyn Pavlodar úshinshi Jylý elektr ortalyǵynda (JEO) monter bolyp bastady. Uzaq jyldar boiy Pavlodar qalasynyń tirshilikti qamtamasyz etý kásiporyndarynda jumys istedi.
2007 jyly Pavlodar oblysynyń energetika jáne kommýnaldyq sharýashylyq departamentin basqarǵan.
2008 jyldan 2012 jylǵa deiin Pavlodar qalasy ákiminiń orynbasary qyzmetin atqardy. Osy laýazymda turǵyn úi-kommýnaldyq sharýashylyq, energetika, qurylys jáne kóliktik infraqurylym máselelerine jetekshilik etti.
Keiingi jyldary «Kazenergokabel» aktsionerlik qoǵamynyń bas direktory, Pavlodar oblysy Kásipkerler palatasynyń direktory bolyp jumys istedi.
Osyǵan deiin Pavlodar oblysy ákiminiń birinshi orynbasary qyzmetin atqardy.
