QR Ishki ister ministri Erlan Turǵymbaev ánshi Janar Hamitovanyń ólimine qatysty pikir bildirdi, dep habarlaidy "Ult aqparat".
«Janar Hamitovanyń ólimine qatysty qazirgi ýaqytta qylmystyq is qozǵalǵan. Barlyq mán-jai tekserilip jatyr. Barlyqtaryńyz da bilesizder, ol jerde ózine-ózi qol jumsaý faktisi bolǵan. Degenmen, keibir niýanstardyń bolýyna bailanysty Qaraǵandy oblysynda qylmystyq is qozǵaldy. Is aiasynda barlyǵy tekseriledi», - dedi Erlan Turǵymbaev Úkimet otyrysynan keiin BAQ ókilderiniń saýalyna orai.
"Arnaý" tobynyń eks-ánshisi Janar Hamitova 16 qyrkúiekte kóz jumdy. Belgili bolǵandai, ánshi tańǵy toǵyzdar shamasynda Qaraǵandy oblysy Qarqaraly aýdanyndaǵy týǵan aýylynda qaza bolǵan.
Qaraǵandy oblysynyń politsiia departamenti bul faktige qatysty Qylmystyq kodekstiń 105 baby 1-tarmaǵy (Jábirlenýshini qorqytý, oǵan qatygezdikpen qaraý nemese onyń adami qadir-qasietin únemi qorlaý arqyly adamdy ózin-ózi óltirýge deiin nemese ózin-ózi óltirýge barýǵa deiin jetkizý) boiynsha tergeý júrip jatqanyn habarlady.
