قر ٸشكٸ ٸستەر مينيسترٸ ەرلان تۇرعىمباەۆ ەنشٸ جانار حاميتوۆانىڭ ٶلٸمٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«جانار حاميتوۆانىڭ ٶلٸمٸنە قاتىستى قازٸرگٸ ۋاقىتتا قىلمىستىق ٸس قوزعالعان. بارلىق مەن-جاي تەكسەرٸلٸپ جاتىر. بارلىقتارىڭىز دا بٸلەسٸزدەر, ول جەردە ٶزٸنە-ٶزٸ قول جۇمساۋ فاكتٸسٸ بولعان. دەگەنمەن, كەيبٸر نيۋانستاردىڭ بولۋىنا بايلانىستى قاراعاندى وبلىسىندا قىلمىستىق ٸس قوزعالدى. ٸس اياسىندا بارلىعى تەكسەرٸلەدٸ», - دەدٸ ەرلان تۇرعىمباەۆ ٷكٸمەت وتىرىسىنان كەيٸن باق ٶكٸلدەرٸنٸڭ ساۋالىنا وراي.
"ارناۋ" توبىنىڭ ەكس-ەنشٸسٸ جانار حاميتوۆا 16 قىركٷيەكتە كٶز جۇمدى. بەلگٸلٸ بولعانداي, ەنشٸ تاڭعى توعىزدار شاماسىندا قاراعاندى وبلىسى قارقارالى اۋدانىنداعى تۋعان اۋىلىندا قازا بولعان.
قاراعاندى وبلىسىنىڭ پوليتسييا دەپارتامەنتٸ بۇل فاكتٸگە قاتىستى قىلمىستىق كودەكستٸڭ 105 بابى 1-تارماعى (جەبiرلەنۋشiنi قورقىتۋ, وعان قاتىگەزدiكپەن قاراۋ نەمەسە ونىڭ ادامي قادٸر-قاسيەتiن ٷنەمٸ قورلاۋ ارقىلى ادامدى ٶزiن-ٶزi ٶلتiرۋگە دەيٸن نەمەسە ٶزiن-ٶزi ٶلتiرۋگە بارۋعا دەيiن جەتكiزۋ) بويىنشا تەرگەۋ جٷرٸپ جاتقانىن حابارلادى.
