Bala quqyqtary jónindegi ýákil Dinara Zákieva oqýshy baspaldaqtan qulap ketken mektep basshylyǵyna qatysty qylmystyq is bastalǵanyn habarlady, - dep jazady Tengrinews.kz saity.
"Astanadaǵy mektepte bala baspaldaqtan qulap ketken oqiǵaǵa qatysty. Men onyń anasymen bailanystamyn. Qazirgi ýaqytta balanyń jaǵdaiy ortasha aýyr, jaqsaryp keledi. Esin biledi", - dedi Zákieva.
Ol áleýmettik jelidegi balanyń komada jatqany týraly aqparatty joqqa shyǵardy. Zákieva oqýshy suraqtarǵa jaýap beretinin, dárigerlerdiń nusqaýlaryn oryndaitynyn jáne onyń tanymdyq fýnktsiialary da saqtalǵanyn túsindirdi.
"Mektep basshylyǵyna qatysty qylmystyq is qozǵaldy. Mekteptiń oqý jylyna daiyndyq sapasy tekserilip jatyr", - dedi balalar ombýdsmeni.
