Aqmola oblysynyń Jibek Joly aýylyndaǵy mekteptegi oqiǵaǵa qatysty politsiia sotqa deiingi tergeýdi bastady. Jumystan bosatylǵan muǵalim qylmystyq jaýapkershilikke tartylýy múmkin, dep habarlaidy Sputnik Qazaqstan.
Arshaly aýdany Jibek Joly aýylyndaǵy I. Qutpanuly atyndaǵy orta mekteptegi oqiǵaǵa áli núkte qoiylar emes. Aqmola oblysy politsiia departamentiniń baspasóz qyzmeti Qylmystyq kodekstiń 140-baby 2-bóligi boiynsha sotqa deiingi tergeý bastalǵanyn habarlady.
Bul bap boiynsha kináli adam 160 AEK-ke deiingi mólsherde aiyppul tóleidi, ne bolmasa sol mólsherde túzeý jumystary, ne 160 saǵatqa deiingi merzimge qoǵamdyq jumysqa tartylady. Dál osy bappen jazanyń taǵy bir túri 40 táýlikke qamalady. Muǵalim belgili bir laýazymdarǵa ornalasý quqyǵynan aiyrylýy múmkin.
"Sotqa deiingi tergeý aiasynda tiisti saraptamalar jasaldy", – dep qorytyndylady vedomstvonyń baspasóz qyzmeti.
Esterińizge sala keteiik, aýyl mektebinde muǵalimniń oqýshyny uryp jatqan sáti túsirilgen beinejazba áleýmettik jelide tarady.
