Jetisý oblysy Kerbulaq aýdanynda ata-ana jergilikti ákimdik bergen mektep formasyna shaǵymdandy. Ol qyzyna durys mektep formasynyń ornyna birneshe ese úlken kiim berilgenin aitady, - dep habarlaidy Massaget.kz.
Áieldiń aitýynsha, ol áleýmettik kómek alý týraly ótinishinde qyzynyń naqty ólshemin kórsetken. Biraq oǵan durys ólshemdegi kiim berilmegen.
"Mynany mektepke qalai kiesiń? 34-36 dep ólshemin kórsettim, biraq joq. Memleket qarjysyna qalai nemquraidy qaraýǵa bolady?" - deidi videodaǵy áiel.
Jetisý oblystyq bilim basqarmasynyń basshysy Aijan Adambekova bul oqiǵaǵa qatysty pikir bildirýge áli erte ekenin aitqan.
"Qazir pikir bildire almaimyn, birinshi anyqtaýymyz kerek. Aldymen bul kiimdi biz berdik pe, joq pa, sony anyqtaimyz", - dedi ol.
