Aqtóbede mektep oqýshysyn zorlaǵan sottalýshy 23 jylǵa bas bostandyǵynan aiyryldy, dep habarlaidy "Ult aqparat".
«Aqtóbe oblystyq qylmystyq ister jónindegi mamandandyrylǵan aýdanaralyq sotynyń 2020 jyldyń 27 naýryzyndaǵy úkimimen Sarjan Qurmanov jábirlenýshiniń dármensizdigin paidalanyp kúsh qoldanǵany, zorlaǵany, seksýaldyq sipattaǵy zorlyq is-áreket jasaǵany úshin kináli dep tanyldy. Sotpen 23 jyl merzimge bas bostandyǵynan aiyrý jazasy taǵaiyndaldy. Sottalǵannan járiberýshiniń paidasyna 5 million teńge moraldyq ziian óndirildi. Úkim zańdy kúshine engen joq», - dedi oblystyq sottyń baspasóz qyzmeti.
Aita keteiik, oqiǵa ótken jyldyń jeltoqsan aiynda tirkelgen bolatyn.
Aqtóbelik politseiler 12 jeltoqsanda kámeletke tolmaǵan balaǵa qatysty asa aýyr qylmysty ashty. Jedel-tergeý is-sharalary barysynda politsiia qyzmetkerleri buryn sottalmaǵan 21 jasar kúdiktini ustady. Bul qylmysty ashýǵa IIM Kriminaldyq politsiia departamenti bastyǵynyń orynbasary basshylyq etken arnaiy jedel-tergeý toby ainalysty. QR QK 120-bap 4-tarmaǵy jáne 121-bap 4-tarmaǵy boiynsha sotqa deiingi tergeý júrgizildi.
