اقتٶبەدە مەكتەپ وقۋشىسىن زورلاعان سوتتالۋشى 23 جىلعا باس بوستاندىعىنان ايىرىلدى, دەپ حابارلايدى "ۇلت اقپارات".
«اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 2020 جىلدىڭ 27 ناۋرىزىنداعى ٷكٸمٸمەن سارجان قۇرمانوۆ جەبٸرلەنۋشٸنٸڭ دەرمەنسٸزدٸگٸن پايدالانىپ كٷش قولدانعانى, زورلاعانى, سەكسۋالدىق سيپاتتاعى زورلىق ٸس-ەرەكەت جاساعانى ٷشٸن كٸنەلٸ دەپ تانىلدى. سوتپەن 23 جىل مەرزٸمگە باس بوستاندىعىنان ايىرۋ جازاسى تاعايىندالدى. سوتتالعاننان جەرٸبەرۋشٸنٸڭ پايداسىنا 5 ميلليون تەڭگە مورالدىق زييان ٶندٸرٸلدٸ. ٷكٸم زاڭدى كٷشٸنە ەنگەن جوق», - دەدٸ وبلىستىق سوتتىڭ باسپاسٶز قىزمەتٸ.
ايتا كەتەيٸك, وقيعا ٶتكەن جىلدىڭ جەلتوقسان ايىندا تٸركەلگەن بولاتىن.
اقتٶبەلٸك پوليتسەيلەر 12 جەلتوقساندا كەمەلەتكە تولماعان بالاعا قاتىستى اسا اۋىر قىلمىستى اشتى. جەدەل-تەرگەۋ ٸس-شارالارى بارىسىندا پوليتسييا قىزمەتكەرلەرٸ بۇرىن سوتتالماعان 21 جاسار كٷدٸكتٸنٸ ۇستادى. بۇل قىلمىستى اشۋعا ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى باسشىلىق ەتكەن ارنايى جەدەل-تەرگەۋ توبى اينالىستى. قر قك 120-باپ 4-تارماعى جەنە 121-باپ 4-تارماعى بويىنشا سوتقا دەيٸنگٸ تەرگەۋ جٷرگٸزٸلدٸ.
