Sýret ashyq derekkózden alyndy
Qazaqstanda mektep ashanalary ózderimen birge tamaq ákeletin oqýshylarǵa jaǵdai jasaýǵa mindetteldi. Oqý-aǵartý ministriniń Qazaqstandyq mektepterde tamaqtandyrýdy uiymdastyrý erejeleri týraly buiryǵyna ózgerister engizildi, - dep habarlaidy Tengrinews.kz portaly.
Atap aitqanda, erejege "bilim berý uiymdarynda bilim alýshylarǵa ózimen birge ákelingen tamaqpen tamaqtana alýy úshin qajetti jaǵdailar jasalady" degen jańa tarmaq qosyldy.
Sonymen qatar, mektepte tamaqtanýdy uiymdastyrý mektep ashanasynda sanitarlyq-epidemiologiialyq talaptarǵa sáikes keletin jabdyqtar, jaǵdailar bolǵan kezde júzege asyrylady delingen.
Bilim alýshylardy tamaqtandyrýdy uiymdastyrý jónindegi taýarlar konkýrstyq negizde satyp alynady. Mektep ashanalarynda jergilikti atqarýshy organdardyń sheshimi negizinde ashana meńgerýshisi, aspaz, ashana qyzmetkeri laýazymdary engiziledi.
Sonymen qatar, áleýetti ónim berýshilerge otandyq óndiristegi azyq-túliktiń keminde 60 paiyzyn satyp alý týraly talap joiylady.
Buiryq 2022 jylǵy 20 jeltoqsannan bastap qoldanysqa engiziledi.
