سۋرەت اشىق دەرەككٶزدەن الىندى
قازاقستاندا مەكتەپ اسحانالارى ٶزدەرٸمەن بٸرگە تاماق ەكەلەتٸن وقۋشىلارعا جاعداي جاساۋعا مٸندەتتەلدٸ. وقۋ-اعارتۋ مينيسترٸنٸڭ قازاقستاندىق مەكتەپتەردە تاماقتاندىرۋدى ۇيىمداستىرۋ ەرەجەلەرٸ تۋرالى بۇيرىعىنا ٶزگەرٸستەر ەنگٸزٸلدٸ, - دەپ حابارلايدى Tengrinews.kz پورتالى.
اتاپ ايتقاندا, ەرەجەگە "بٸلٸم بەرۋ ۇيىمدارىندا بٸلٸم الۋشىلارعا ٶزٸمەن بٸرگە ەكەلٸنگەن تاماقپەن تاماقتانا الۋى ٷشٸن قاجەتتٸ جاعدايلار جاسالادى" دەگەن جاڭا تارماق قوسىلدى.
سونىمەن قاتار, مەكتەپتە تاماقتانۋدى ۇيىمداستىرۋ مەكتەپ اسحاناسىندا سانيتارلىق-ەپيدەميولوگييالىق تالاپتارعا سەيكەس كەلەتٸن جابدىقتار, جاعدايلار بولعان كەزدە جٷزەگە اسىرىلادى دەلٸنگەن.
بٸلٸم الۋشىلاردى تاماقتاندىرۋدى ۇيىمداستىرۋ جٶنٸندەگٸ تاۋارلار كونكۋرستىق نەگٸزدە ساتىپ الىنادى. مەكتەپ اسحانالارىندا جەرگٸلٸكتٸ اتقارۋشى ورگانداردىڭ شەشٸمٸ نەگٸزٸندە اسحانا مەڭگەرۋشٸسٸ, اسپاز, اسحانا قىزمەتكەرٸ لاۋازىمدارى ەنگٸزٸلەدٸ.
سونىمەن قاتار, ەلەۋەتتٸ ٶنٸم بەرۋشٸلەرگە وتاندىق ٶندٸرٸستەگٸ ازىق-تٷلٸكتٸڭ كەمٸندە 60 پايىزىن ساتىپ الۋ تۋرالى تالاپ جويىلادى.
بۇيرىق 2022 جىلعى 20 جەلتوقساننان باستاپ قولدانىسقا ەنگٸزٸلەدٸ.
