BǴM Mektepke deiingi jáne orta bilim komiteti tóraǵasy Gúlmira Karimova mektep oqýshylarynyń oramal taǵý máselesine núkte qoidy, - dep habarlaidy Tengrinews.kz.
Gúlmira Karimova Qazaqstan - zaiyrly memleket ekenin, sondyqtan mektepter de zaiyrly mekemeler bolyp sanalatynyn atap ótti.
"Mektep formasy týraly 2016 jylǵy buiryq bar, ol kúshin joiǵan joq. Biz bilimmen qamtylmaýy múmkin qyzdardy oqý protsesine qosý týraly aityp otyrmyz. Sondyqtan bul máseleni sheshýdiń joldary men tetikten izdestirip jatyrmyz. Bul jerde áńgime hidjab týraly bolyp otyrǵan joq. Túrli usynys túsip jatyr, sonyń ishinde olardy ózimizdiń otandyq mektepterde onlain oqytý múmkindigi jáne olardy oqý úderisine tartý boiynsha basqa da usynystar bar. Eń bastysy, barlyǵyn orta bilimmen qamtý. Bul balalardyń osy bóligi mektepte bilim alýy úshin jasalyp otyr", - deidi Gúlmira Karimova.
