Búgingi tańda bilim salasyndaǵy qyzmet, dýaldi oqytý, bilim berý men ǵylym salasynyń damýy kezek kúttirmeitin ózekti máselege ainalǵan. Sebebi bilim alýshylar biyl ekinshi jyl álemdegi pandemiiaǵa bailanysty qashyqtan oqýǵa, onlain bilim alýǵa májbúr boldy. Degenmen qashyqtan bilim alyp qana qoimai, ǵylymǵa úles qosyp, zertteý jumystarymen ainalysyp júrgen bilim alýshylar da az emes. Solardyń biri – semeilik oqýshylar Arýjan Qaimoldina men Nurbol Maqtaev. Osy oraida «Ult» portaly daryndy oqýshylardyń áńgimesin usynady.
Búgingi tańda bul eki oqýshyny ata-analary ǵana emes, ustazdary men synyptarstary da maqtan etedi. Óitkeni Arýjan men Nurbol sý qoimalarynyń lastanýy máselesin sheshý maqsatynda ózen-sýlardy qoqystan tazartatyn eko-robot maketin jasap shyǵarǵan.
9 synyp oqýshysy Arýjan Qaimoldinany jer sharyndaǵy sý qoimalarynyń lastanýy mazalaidy. Ekologiia taqyrybyn zerttep júrgende, qaita óńdelgen plastikalyq bótelkelerden ózen-sýlardy qoqystan tazalaýǵa arnalǵan robot maketin qurastyrý týraly oi keledi. Osylaisha ótken jyldyń qyrkúiek aiynan bastap atalǵan jobamen ainalysa bastapty.
-O bastaǵy ideiamdy jyl saiyn Semei qalasyndaǵy fizika-matematika baǵytyndaǵy Nazarbaev Ziiatkerlik mektebinde ótetin jas ónertapqyshtar kúninde kópshilik nazaryna usynyp keldim. Qorǵaǵan jobam saiysta jeńiske jetip, ustazdarymyz ben dostarymnyń qyzyǵýshylyǵyn týdyrdy. Osynyń barlyǵy meniń maketti jasaýyma jeteledi. Degenmen maketti jasaý barysynda kómekshi qajettiligi sezilip, Nurbolǵa usynys jasadym. Ol qoldaý bildirdi, - deidi Arýjan.
Arýjannyń tańdaýy nelikten Nurbolǵa túskeni belgili. Sebebi Nurbol Maqtaev buǵan deiin birneshe robottyń maketin ázirlegen ári WRO-2020 dúniejúzilik LEGO robottar olimpiadasynyń júldegeri atanǵany taǵy bar.
- Biz aldymen jumys modelin jasai bastadyq. Robottandyrylǵan keshenniń ózi eki bólikke bólindi: aeroqaiyq jáne jyljymaly qalqymaly mehanizm. Aeroqaiyq robotty keshendi sý qoimasy arqyly berilgen marshrýt boiynsha jyljytý fýnktsiiasyn oryndady. Jyljymaly qalqymaly mehanizm sý astyndaǵy jáne ústinde qoqys jinaýdy qamtamasyz etedi. Bizdiń robottandyrylǵan keshen sý astyndaǵy jáne ústindegi qoqystardy jinap, beinekameralar kómegimen sý asty áleminiń jaǵdaiyn, onyń faýnasy men florasyn baqylaidy, - dedi 11 synyp oqýshysy Nurbol Maqtaev.
Qos oqýshynyń endigi jospary men maqsaty toksinder men ziiandy himiialyq qosyndylardan tiri aǵzalarǵa zalal keltirmeitin nemese sýdy tazartatyn himiialyq zattarǵa IGW qosý. Sondai-aq aldaǵy ýaqytta «Daryn» saisyna qatysyp, jobany patentke qsynýdy da oilastyryp otyr.
Esterińizge sala keteiik, búgingi tańda bilim salasyndaǵy qyzmet, dýaldi oqytý, bilim berý men ǵylym salasynyń damýy kezek kúttirmeitin ózekii máselege ainalǵan. Qazirgi tańda qashyqtan bilim alyp qana qoimai, ǵylymǵa úles qosyp, zertteý jumystarymen ainalysyp júrgen bilim alýshylar da az emes. Solardyń biri – semeilik oqýshylar Arýjan Qaimoldina men Nurbol Maqtaev. Búgingi tańda bul eki oqýshyny ata-analary ǵana emes, ustazdary men synyptarstary da maqtan etedi. Óitkeni Arýjan men Nurbol sý qoimalarynyń lastanýy máselesin sheshý maqsatynda ózen-sýlardy qoqystan tazartatyn eko-robot maketin jasap shyǵarǵan.
