Sýret: ashyq derekkóz
"Ashyq NQA" portalynda oqý-aǵartý ministri buiryǵynyń jobasy jariialandy. Qujatta kelesi oqý jylyna belgilengen demalys kúnderi kórsetilgen.
Qujatqa sáikes, oqý jyly 2024 jylǵy 1 qyrkúiekte bastalyp, 2025 jylǵy 25 mamyrda aiaqtalady. Bul rette buiryqqa sáikes:
- birinshi toqsan segiz apta bolady, demalys 28 qazanda bastalyp, 3 qarashaǵa deiin sozylady;
- ekinshi toqsanda 8 oqý aptasy bar, qysqy demalys – 30 jeltoqsannan 8 qańtarǵa deiin jalǵasady;
- úshinshi toqsanda 10 oqý aptasy bar, kóktemgi demalys – 21 naýryzdan 31 naýryzǵa deiin;
- tórtinshi toqsanda 8 oqý aptasy bolady, 25 mamyrǵa deiin.
Qujat qabyldansa, birinshi synyp oqýshylary 3-9 aqpan aralyǵynda qosymsha bir apta demalady.
9-10 synyp oqýshylary 2025 jyldyń 29 mamyry men 9 maýsymy aralyǵynda, al 11-12 synyp oqýshylary 2025 jyldyń 30 mamyry men 12 maýsymy aralyǵynda emtihan tapsyrady, delingen buiryq jobasynda.
Jobanyń qoǵamdyq talqylaýy 18 maýsymǵa deiin jalǵasady.
