Qazaqstandy oqýlyqtar ázirleýdiń jańa júiesi tolyqqandy engiziledi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Oqýlyq daiyndaýdyń jańa júiesi tolyqqandy engiziletin bolady. Bul problema baiaǵydan beri kóterilip keledi. Shyndyǵynda da, bizdiń oqýlyqtarymyzda óte kóp kemshilik bar ekendigi týraly faktini moiyndaýymyz kerek. Tolyqtai alǵanda oqýlyq daiyndaý júiesiniń ózi jetilmegen. Bul tek baspanyń, avtordyń nemese ózge de qandai da bir toptyń kinási dep aitýǵa bolmaidy. Bul jerde sóz barlyq protsesti qaita baǵdarlaý jáne jańǵyrtý jaiynda bolyp otyr», - dedi ministr pedagogtar men bilim jáne ǵylym salasy qyzmetkerleriniń respýblikalyq tamyz keńesi barysynda.
Ministr bul baǵyttaǵy jumystardyń qazirgi ýaqytta júrgizilip jatqandyǵyn aitty.
«Oqýlyqpen jumys jalpy mindetti standarttardyń ózinen, úlgilik josparlar men baǵdarlamalardan bastalyp, odan ary saraptama, beiimdeý máseleleri, avtorlardy daiyndaý, avtorlardy oqytý, baspamen jumysty qamtidy. Iaǵni, osynaý biznes protsesterdiń barlyǵy qazirgi ýaqytta jańa formatta júzege asyrylatyn bolady. Biz avtorlar men sarapshylardy oqytamyz. Oqýlyqtardyń sapasy, aprobatsiiadan ótkizý jáne oqýlyqtardy qoldanýǵa monitoring jasaý boiynsha talaptardy zańmen bekitemiz», - dedi Ashat Aimaǵambetov.
