Foto ©️ Turar Qazanǵapov
IIM túlekter men olardyń ata-analaryna úndeý jasady, - dep habarlaidy «Ult aqparat» Polisia.kz saityna silteme jasap.
"Qurmetti ata-analar men túlekter! 25 mamyrda elimizdiń barlyq mektebinde oqý jylynyń aiaqtalýyna arnalǵan synyp saǵattary ótkiziledi. Saltanatty is-sharalar barysynda politsiia organdary qoǵamdyq tártip pen jol qaýipsizdigin qamtamasyz etý boiynsha barlyq sharalardy qabyldaityn bolady. Ishki ister ministriniń tapsyrmasy boiynsha árbir oqý ornyna jaýapty politsiia qyzmetkeri bekitildi. Patrýldik nariadtar is-sharalar ótkiziletin oryndarǵa barynsha jaqyn bolady", - delingen habarlamada.
IIM málimetinshe, sońǵy jyldardaǵy tájiribege súiensek, mektepterdegi "sońǵy qońyraýlar" aiaqtalǵannan keiin ata-analardyń ruqsatymen kóptegen túlekter is-sharalardy óz betinshe jalǵastyrady. Ókinishke qarai, jasóspirimderdiń kólik tizgindeýi qaiǵyly oqiǵalarǵa ákelip jatady.
Byltyr mundai derekter Jambyl, Atyraý oblystary men Almatyda bolǵan. Odan bólek, ata-analardyń baqylaýynsyz balalar tyiym salynǵan jerlerde sýǵa túsip jatady. Byltyr Aqmola, Mańǵystaý jáne Atyraý oblystaryndaǵy sý aidyndarynyń shomylýǵa jabdyqtalmaǵan jerlerinde jasóspirimderdiń sýǵa ketý jaǵdailary tirkelgeni aityldy.
"Osyny eskere otyryp, ata-analar men túlekterdi minez-qulyqtyń qajetti normalary men erejelerin saqtaýǵa shaqyramyz. Quqyq buzýshylyqtar anyqtalǵan jaǵdaida dereý 102 arnasyna, al tótenshe jaǵdailar týyndaǵan kezde 112 nómirine habarlasýdy suraimyz", – dedi departament bastyǵy – IIM resmi ókili Shyńǵys Alekeshev.
