Jańa oqý jylynyń uiymdastyrylmaǵan túrde bastalǵandyǵy týraly aqparat shyndyqqa janaspaidy. Bul týraly QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
«Oqý jyly bastaldy. Oqý jyly bastalmas buryn úlken daiyndyq jumysy atqaryldy. Búgingi kúni barlyq mektep oqýshylary oqý protsesine kiristi. Oqýshylardyń 73 paiyzǵa jýyǵy búginde qashyqtan oqyp jatyr jáne shtattyq rejimde bilim berip jatqan mektepterdiń sany 3 myńǵa jýyqtaidy. Ol jalpy Qazaqstandaǵy 7 myń mekteptiń 43 paiyzyn quraidy. Sonymen qatar barlyq mektepterde 1-4 synyptarda jáne mektepaldy synyptarynda kezekshi synyptar jumysyn bastady», - dedi vitse-ministr búgin Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, kezekshi synyptarda 547 myńnan asa oqýshy oqyp jatyr. Bul oqýshylardyń 60 paiyzǵa jýyǵy 1-synyp oqýshylary.
«Sondyqtan oqý jylynyń uiymdaspaǵan túrde bastalǵandyǵy týraly aqparat shyndyqqa janaspaidy. Búgingi kúni 500 myńnan asa muǵalim barlyq bilim mekemelerinde jumys istep jatyr. Olardyń eńbekterin joqqa shyǵarýǵa bolmaidy. Ministrlik buǵan deiingi ýaqytta da muǵalimderge alǵysyn aityp keldi. Qazirgi qiyn jaǵdaida oqý protsesin shtattyq rejimde bastap jatqan, ártúrli formatta jumys istep jatqan muǵalimderge ministrlik tarapynan taǵy da rahmetimizdi aitamyz», - dedi Sholpan Karinova.
