جاڭا وقۋ جىلىنىڭ ۇيىمداستىرىلماعان تٷردە باستالعاندىعى تۋرالى اقپارات شىندىققا جاناسپايدى. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا ايتتى, دەپ حابارلايدى "ۇلت اقپارات".
«وقۋ جىلى باستالدى. وقۋ جىلى باستالماس بۇرىن ٷلكەن دايىندىق جۇمىسى اتقارىلدى. بٷگٸنگٸ كٷنٸ بارلىق مەكتەپ وقۋشىلارى وقۋ پروتسەسٸنە كٸرٸستٸ. وقۋشىلاردىڭ 73 پايىزعا جۋىعى بٷگٸندە قاشىقتان وقىپ جاتىر جەنە شتاتتىق رەجيمدە بٸلٸم بەرٸپ جاتقان مەكتەپتەردٸڭ سانى 3 مىڭعا جۋىقتايدى. ول جالپى قازاقستانداعى 7 مىڭ مەكتەپتٸڭ 43 پايىزىن قۇرايدى. سونىمەن قاتار بارلىق مەكتەپتەردە 1-4 سىنىپتاردا جەنە مەكتەپالدى سىنىپتارىندا كەزەكشٸ سىنىپتار جۇمىسىن باستادى», - دەدٸ ۆيتسە-مينيستر بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, كەزەكشٸ سىنىپتاردا 547 مىڭنان اسا وقۋشى وقىپ جاتىر. بۇل وقۋشىلاردىڭ 60 پايىزعا جۋىعى 1-سىنىپ وقۋشىلارى.
«سوندىقتان وقۋ جىلىنىڭ ۇيىمداسپاعان تٷردە باستالعاندىعى تۋرالى اقپارات شىندىققا جاناسپايدى. بٷگٸنگٸ كٷنٸ 500 مىڭنان اسا مۇعالٸم بارلىق بٸلٸم مەكەمەلەرٸندە جۇمىس ٸستەپ جاتىر. ولاردىڭ ەڭبەكتەرٸن جوققا شىعارۋعا بولمايدى. مينيسترلٸك بۇعان دەيٸنگٸ ۋاقىتتا دا مۇعالٸمدەرگە العىسىن ايتىپ كەلدٸ. قازٸرگٸ قيىن جاعدايدا وقۋ پروتسەسٸن شتاتتىق رەجيمدە باستاپ جاتقان, ەرتٷرلٸ فورماتتا جۇمىس ٸستەپ جاتقان مۇعالٸمدەرگە مينيسترلٸك تاراپىنان تاعى دا راحمەتٸمٸزدٸ ايتامىز», - دەدٸ شولپان كارينوۆا.
