Aldaǵy 5 jyl ishinde elimizde bilim berý, ǵylym jáne densaýlyq saqtaý salasyna shyǵyndardy jalpy ishki ónimniń 10 paiyzyna deiin jetkizý josparlanýda.
Búgin Qazaqstan Respýblikasy Parlamenti Májilisiniń Depýtaty Á.E. Bekturǵanovtyń tóraǵalyǵymen «Nur Otan» partiiasy Sailaýaldy baǵdarlamasynyń «Bilim berý» baǵyty boiynsha Partiialyq kýrator komissiiasynyń otyrysy ótti.
Kún tártibinde «Pedagog mártebesi týraly» jáne «Oqýshy men muǵalimge oqý júktemesin tómendetý máseleleri boiynsha» QR Zańdarynyń jobalary talqylandy.
Elbasy N.Á. Nazarbaev 2018 jyldyń 5 qazanynda «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda kelesi jyly muǵalimder men mektepke deiingi mekemeler qyzmetkerleri úshin barlyq igilikti qarastyryp, júktemeni azaitýǵa, jónsiz tekserister men mindetten tys fýnktsiialardan arashalaýǵa baǵyttalǵan «Pedagog mártebesi týraly» zańdy ázirlep, qabyldaý týraly tapsyrma bergen bolatyn. Sodan beri bul másele halyq arasynda qyzý talqylanyp jatyr.
Elimizde oqýshylardyń oqý júktemesi máselesi eń ózekti máselelerdiń biri bolyp turǵany jasyryn emes. Prezident atap ótkendei, Qazaqstandaǵy oqýshylardyń oqý júktemesi TMD elderiniń ishinde eń joǵary, EYDU (OESR) memleketterinen 30 paiyzdan astam joǵary eken.
Al, muǵalimderge óz mindetterinen basqa da fýnktsiialardy júkteý máselesi tipti ózekti bolyp keledi. Atalǵan zań jobalary qoǵamda keń talqylanyp, osy máselelerdi sheshýge, barlyq múddeli taraptardyń quqyqtaryn qorǵaýǵa baǵyttalýy tiis.
Otyrysqa jinalǵandar Prezidenttiń Joldaýda bergen tapsyrmalaryna sáikes, aldaǵy 5 jyl ishinde bilim berý, ǵylym jáne densaýlyq saqtaý salasyna shyǵyndardy jalpy ishki ónimniń 10 paiyzyna deiin jetkizý josparlanǵanyn, sonymen qatar, mektepke deiingi bilim berý sapasyn jaqsartý, biliktilik talaptaryn, oqytý ádisin, tárbieshilerdiń jáne balabaqshadaǵy basqa da qyzmetkerlerdiń eńbegine aqy tóleý júiesin qaita qaraý qajet ekendigin atap aitty.
- Bul ustazdardyń kópten kútken jobasy. Aqpan aiyna deiin bul jobany talqylaýǵa kóp ýaqytymyz bar. «Kelisip pishken ton kelte bolmas» degen sóz bar qazaqta, sondyqtan, ár nárseni kelise otyryp túiinin shyǵaramyz dep oilaimyn. Atalmysh zań jobasy áleýmettik jelilerde de keńinen talqylanyp jatyr eken. Bul halyqtyń bei-jai emestigin tanytady, qýanarlyq jaǵdai. Jergilikti atqarýshy organ muǵalimderge premiiany jáne aýyldyq jerde jumys istegeni úshin otyn alýǵa qarajattyń somasyn belgileidi degenge keliskisi kelmeitinder bar. Jergilikti jerlerdegi ákim óziniń ustazy men dárigerine jany ashymasa neǵyp otyr? Osy máseleni ákimder de durystap qaraý kerek,- dedi Parlament Májilisiniń depýtaty Baqytgúl Hamenova
Kezdesý barysynda ózekti máselelerdi sapaly talqylaý úshin QR Bilim jáne ǵylym vitse-ministri E.A. Sýhanberdieva zań jobalaryn ázirleý boiynsha júrgizilip jatqan jumystar týraly baiandama jasap, QR Parlament Májilisiniń depýtattary J.N. Nurmanbetova, N.V. Jumadildaevalar atalǵan Zań jobalaryna qatysty óz usynystary týraly baiandama jasady. Videokonferents bailanys arqyly elimizdiń barlyq aimaqtary qatysqan otyrys qorytyndysy boiynsha Komissiia músheleri ýákiletti memlekettik organdarǵa jiberiletin usynystar ázirledi.
