QR Ulttyq olimpiada komitetiniń prezidenti Timýr Qulybaev oqý-jattyǵý ótkizetin memleketterdi tańdaýda keste bekitken Qazaqstan boks federatsiiasynyń bapkerler keńesin synǵa aldy, dep habarlaidy QazAqparat.
«Bapkerler keńesi shetelge shyǵatyn oqý-jattyǵý jiyndaryna qarańyzdar. Sizderdiń geografiialaryńyz (oqý-jattyǵý jiynyn ótkizýde tańdalatyn memleket) qandai qaǵidatpen belgilenetini túsiniksiz. Kórshi ózbek quramasyn bilesizder, keremet komanda. Men sizderden Ózbekstanda ne bolyp jatqanyna taldaý júrgizip kórýdi ótingen bolatynmyn. Olar qalai dúr silkindi? Ol jaqta boksqa qyzyǵýshylyq bir mezette qalaisha sharyqtap ketti? Ózbekstan shynynda da myqty komanda ázirlep, keremet nátije kórsete bastady. Sizder bolsańyzdar, eshqandai taldaý júrgizbedińizder, jaýap ta bere almai otyrsyzdar. Oqý-jattyǵý úshin Gollandiia eline bara jatyr ekensizder. Ol jaqta ne isteisizder? Baryńdar da ózbektermen tóbelesińder. Olimpiadaǵa baryp daiyndalyńdar! Senderdiń naǵyz sparring-qarsylastaryń sol jaqta», - dedi Timýr Qulybaev Qazaqstan boks federatsiiasynyń otyrysynda.
Onyń aitýynsha, qazaq boksshylar kúni erteń Tokio Olimpiadasynda ózbek jáne orys boksshylarymen altyn medalǵa talasatyn bolady.
«Gollandiiadan ne joǵaltyp aldyńyzdar? Týristsizder me? Bekjan (Bektenov – federatsiianyń atqarýshy direktory) talapty álsiretpeńder! Aqshanyń bárin igerýge jumsap, adamdar aqyry ary-beri sandalyp júr. Reseide qanshama myqty boksshy bar. Ol jaqta nege oqý-jattyǵý jiyndaryn ótkizbeske? Kýbalyqtar bar. Olar da Olimpiadada erteń eń joǵary dárejede óner kórsetedi. Nelikten olarmen sparring ótkizbeisizder. Sizder týrist emes, Olimpiada chempiondaryn daiyndaityn adamsyzdar. Olardy laiyqty qarsylastarǵa qarsy qoiyńdar. Sapar kestesin qaita qarańdar! Bul - meniń tapsyrmam» - dedi Timýr Qulybaev.
Eske sala ketsek, Qazaqstan boks federatsiiasynyń búgingi otyrysynda Timýr Qulybaev atalmysh federatsiia basshylyǵynan ketetinin málimdegen bolatyn.
Onyń ornyna belgili qazaqstandyq biznesmen Keńes Raqyshev sailandy.
