Barlyq qabyldanyp jatqan sharalar joǵary bilim salasyn tiisti deńgeige joǵarylatady. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy QazAqparat.
«Balabaqshalarda kezekshi toptarmen jumys isteý ary qarai jalǵasyp keledi. Kolledj ben joǵary oqý oryndarynda da osyǵan deiingi qaýlyda bekitilgen formatta jumys jalǵastyrylýda. Ózderińizge belgili, 1-kýrs stýdntteri úshin aralas formatqa kóshirý uymdastyrylǵan bolatyn. Búgingi kúni osy boiynsha jumystar jalǵastyrylýda, ázirge buǵan qatysty ózgerister bolǵan joq», - deidi bilim jáne ǵylym vitse-ministri Sholpan Karinova.
QR Bilim jáne ǵylym ministrligi Bilim jáne ǵylym salasyndaǵy sapany qamtamasyz etý komitetiniń tóraiymy Gúlzat Kóbenova qazirgi ýaqytta joǵary oqý oryndarynda bilim sapasyn arttyrý máselesi boiynsha biraz sharalar qabyldanyp jatqanyn aitty.
«Tsifrlandyrýǵa qatysty da sharalar qolǵa alynyp jatyr. Qazirgi jaǵdaida eń bastysy – oqý protsesin uiymdastyrý úshin tsifrlandyrý qajet. Oqý úrdisimen qatar, akademiialyq adaldyqty qalyptastyrý boiynsha da tiisti sharalar qabyldanýda. Barlyq qabyldanyp jatqan sharalar joǵary bilim salasyn tiisti deńgeige joǵarylatady dep oilaimyz», - deidi ol.
