© Photo: pixabay.com
Oqý-aǵartý ministrligi balalardy teris kontentten qorǵaý úshin bólek SIM-karta engizýdi usyndy. Bul týraly Májilis kýlýarynda vitse-ministr Edil Ospan aitty, - dep habarlaidy "Ult aqparat" Tengrinews.kz saityna silteme jasap.
"Biz balalar SIM-kartasyn, iaǵni ata-analardyń baqylaýynda bolatyn balalarǵa arnalǵan jeke SIM-kartany engizýdi usynyp otyrmyz. Eger bala osy SIM-karta arqyly Internetke qosylsa, onda ata-ananyń ruqsaty qajet bolady. Bul balany baqylaý: ol qandai saittarǵa kiredi, qandai áleýmettik jelilerde otyrady. Taǵy bir másele - ata-analar Internet ýaqytyn shektei alady. Óitkeni balalar keshke deiin Internette otyrady. Biz muny balalardyń qaýipsizdigin oilaityn oqý-aǵartý ministrligi retinde usynamyz", - dedi ol Májilistiń áleýmettik-mádeni damý komitetiniń otyrysynda.
Sheneýniktiń aitýynsha, ministrlik bul bastamany basqa da memlekettik organdarmen talqylaýdy josparlap otyr. Bul rette ata-analar qaýymynyń qoldaýyna senedi.
"Bul áli usynys deńgeiinde. Tehnikalyq múmkindikterdi aldyn ala zerttei kele, muny durys dep sanaimyz, óitkeni Internettegi balalardyń qaýipsizdigi máselesi óte ózekti bolyp otyr. Kimniń mektep jasyndaǵy balalary bolsa, men qoldaidy dep oilaimyz. Biz balalarymyzdyń, aitalyq, olar úshin qaýipsiz "aq" saittarda otyrýyn qamtamasyz etýimiz kerek. Baladan telefondy kúshtep ala almaimyz ǵoi", - dep qosty Ospan.
