© Photo: pixabay.com
وقۋ-اعارتۋ مينيسترلٸگٸ بالالاردى تەرٸس كونتەنتتەن قورعاۋ ٷشٸن بٶلەك SIM-كارتا ەنگٸزۋدٸ ۇسىندى. بۇل تۋرالى مەجٸلٸس كۋلۋارىندا ۆيتسە-مينيستر ەدٸل وسپان ايتتى, - دەپ حابارلايدى "ۇلت اقپارات" Tengrinews.kz سايتىنا سٸلتەمە جاساپ.
"بٸز بالالار SIM-كارتاسىن, ياعني اتا-انالاردىڭ باقىلاۋىندا بولاتىن بالالارعا ارنالعان جەكە SIM-كارتانى ەنگٸزۋدٸ ۇسىنىپ وتىرمىز. ەگەر بالا وسى SIM-كارتا ارقىلى ينتەرنەتكە قوسىلسا, وندا اتا-انانىڭ رۇقساتى قاجەت بولادى. بۇل بالانى باقىلاۋ: ول قانداي سايتتارعا كٸرەدٸ, قانداي ەلەۋمەتتٸك جەلٸلەردە وتىرادى. تاعى بٸر مەسەلە - اتا-انالار ينتەرنەت ۋاقىتىن شەكتەي الادى. ٶيتكەنٸ بالالار كەشكە دەيٸن ينتەرنەتتە وتىرادى. بٸز مۇنى بالالاردىڭ قاۋٸپسٸزدٸگٸن ويلايتىن وقۋ-اعارتۋ مينيسترلٸگٸ رەتٸندە ۇسىنامىز", - دەدٸ ول مەجٸلٸستٸڭ ەلەۋمەتتٸك-مەدەني دامۋ كوميتەتٸنٸڭ وتىرىسىندا.
شەنەۋنٸكتٸڭ ايتۋىنشا, مينيسترلٸك بۇل باستامانى باسقا دا مەملەكەتتٸك ورگاندارمەن تالقىلاۋدى جوسپارلاپ وتىر. بۇل رەتتە اتا-انالار قاۋىمىنىڭ قولداۋىنا سەنەدٸ.
"بۇل ەلٸ ۇسىنىس دەڭگەيٸندە. تەحنيكالىق مٷمكٸندٸكتەردٸ الدىن الا زەرتتەي كەلە, مۇنى دۇرىس دەپ سانايمىز, ٶيتكەنٸ ينتەرنەتتەگٸ بالالاردىڭ قاۋٸپسٸزدٸگٸ مەسەلەسٸ ٶتە ٶزەكتٸ بولىپ وتىر. كٸمنٸڭ مەكتەپ جاسىنداعى بالالارى بولسا, مەن قولدايدى دەپ ويلايمىز. بٸز بالالارىمىزدىڭ, ايتالىق, ولار ٷشٸن قاۋٸپسٸز "اق" سايتتاردا وتىرۋىن قامتاماسىز ەتۋٸمٸز كەرەك. بالادان تەلەفوندى كٷشتەپ الا المايمىز عوي", - دەپ قوستى وسپان.
