.jpeg)
IQanat respýblikalyq oqýshylar sleti aiasynda QR Oqý-aǵartý ministri Ashat Aimaǵambetov aýyl mektepteriniń oqýshylarymen kezdesip, olardy ómirlerindegi jańa belesterge jigerlendirdi, dep habarlaidy "Ult aqparat".
Kezdesý Nazarbaev ýniversitetinde ótip, onda 750 aýyl balasy jinaldy. Áńgime barysynda mártebeli qonaq balalardy IQanat respýblikalyq sletine qatysýmen quttyqtap, olarmen mektepte oqýdyń mańyzdylyǵy jáne óz is-áreketteri men nátijeleri úshin jaýapkershilik ala bilýleri týraly suhbat qurdy.
«Jaýapkershilikten qoryqpaý kerek. Óz basym adamdarda jaýapkershilik siiaqty sapaly qasietterdi óte joǵary baǵalaimyn jáne qurmetteimin. Jaýapkershilik ártúrli bolýy múmkin, mindetti túrde aýqymdy dúniege qatysty emes. Máselen bul jahandyq máselelerdi sheshý úshin keiipkerler Marsqa missiiamen barǵan kezde bárimiz kinoda kóretin orasan zor jaýapkershilik qana emes. Óz is-áreketiń men qimyldaryń úshin jaýapkershilikti seziný – naǵyz keregi osy. Ádeptilik, qarapaiymdylyq, eńbekqorlyq, bir nárseni jaqsy jaqqa ózgertýge degen umtylys, tártip, durys sheshim qabyldai bilý - jaýapkershiliktiń barlyq qyryna osylardy jatqyzýǵa bolady», - dedi Ashat Aimaǵambetov.
Sonymen qatar, ministr barlyq aqparat qoljetimdi dáýirde qazirgi mektep oqýshylarynyń múmkindikteri óte kóp bolǵanymen, biraq sonymen birge olarǵa qoiylatyn talap ta airyqsha ekenin atap ótti.
«Búginde bizdiń jas urpaqtyń elimizdiń jáne álemniń úzdik mektepterine, ozyq joǵary oqý oryndaryna túsý úshin kóptegen múmkindikteri bar. Mysaly, «Bolashaq» baǵdarlamasynyń arqasynda qazaqstandyqtar shetelde bilim ala alady. Sonymen qatar, meniń oiymsha, qazirgi balalardyń maqsaty asqaq, kózdegeni biik», - dep pikirimen bólisti Oqý-aǵartý ministrliginiń basshysy.
Kezdesý barysynda respýblikalyq sletke qatysýshylar ministrge óz suraqtaryn qoidy. Máselen, Batys qazaqstan oblysy Qaratóbe aýylynyń oqýshysy Maǵjan Jylǵali ministrdiń aldynda qandai maqsattar turǵanyn jáne olarǵa qol jetkizý jolynda qandai qiyndyqtar bar ekenin surady.
«Bálkim meniń adamdar, maqsattar týraly túsinigimde qandai da bir jahandyq murat joq shyǵar. Eń bastysy - adam bolyp qalý, óz aldyna, qoǵam aldynda, Otan aldynda adal bolý. Al maqsattarǵa qol jetkizý jolyndaǵy qiyndyqtar kún saiyn kezdesedi jáne olardy adam ózimen jáne óziniń keibir ádetterimen jumys istei otyryp, jeńe bilý kerek», - dep jaýap berdi ministr.
Esterińizge sala keteiik, belgili qazaqstandyqtarmen yntalandyrý kezdesýleri - IQanat respýblikalyq oqýshylar sleti baǵdarlamasynyń bir bóligi. Slet aiasynda balalar Olimpiadaǵa, treningterge, saiahattarǵa qatysty, al is-sharalar sońynda Balalar jylyna arnalǵan flesh-mob uiymdastyrady. Taiaýda sletke qatysýshylar «IQANAT bilim berý qory» QQ Qamqorshylyq keńesiniń tóraǵasy Aidyn Rahymbaevpen kezdesip, jaýapkershilik pen qoǵamǵa qyzmet etý týraly áńgimelesti.
Aita keteiik, «Iqanat» jobasyn iske asyrý jáne aýyl oqýshylarynyń osyndai joǵary nátijege qol jetkizýi olarǵa kómek kórsetý nietimen birikken izgi jandar – Qordyń Qamqorshylarynyń qoldaýy arqasynda múmkin bolyp otyr.
