Belgili prodiýser Gúlzira Aidarbekova 25 jyldan beri aralasatyn jaqyn dosy, óner iesi Óktem Altaevtyń qyzy Arýjandy uzatyp, oǵan arnaiy jańa án arnady, dep habarlaidy ult.kz.
Prodiýserdiń aitýynsha, birneshe jyl buryn Altaevtar áýletiniń úlken qyzyn da uzatýǵa atsalysqan. Al birneshe ai buryn Óktem Altaev ekinshi qyzynyń uzatý toiyn da Gúlzira Aidarbekovaǵa senip tapsyrǵysy keletinin aitqan.
«2-3 ai buryn: “Ekinshi qyzymdy uzatyp ber. Seniń eńbekqorlyǵyń, adaldyǵyń juǵysty bolsyn. Tipti úshinshi qyzym da “meni sol kisi uzatady” dep otyr. Ony da umytpa, ýaqyty kelgende”, – dedi», – dep jazdy prodiýser.
Osy nietti yrymǵa balaǵan Gúlzira Aidarbekova Arýjannyń uzatý toiyna arnaiy jańa án daiyndaǵan. Ol týyndynyń mátinine erekshe mán bergenin atap ótti.
«Keshe Arýjan qyzymyzǵa arnaiy sý jańa ánimdi arnap uzattym. Sózderine barynsha mán berdim. Sebebi Arýjannyń tek Qazaq eline emes, álemge tanymal bolatynyna tolyq senimim bar. Ol jaǵyn aldaǵy ýaqyttyń enshisine tapsyrdym», – dedi ol.
Prodiýser jas kelinge aq tilegin bildirip, onyń elge tanymal azamat bolyp, baqytty otbasylyq ómir súrýine tilektestik bildirdi.
