Eýropalyq quqyq jáne adam quqyqtary institýtynyń direktory Marat Báshimov 17 tamyzdan bastap karantin sharalarynyń kezeń-kezeńimen alynyp tastalatyndyǵyna orai pikir bildirdi, dep habarlaidy QazAqparat.
«Koronavirýs indetine qatysty statistikalyq derekter bizde de, álemde de áli kúnge turaqsyzdyq tynytyp tur. Iá, indettiń beti qaityp, virýsqa shaldyqqandardyń sany azaiyp kele jatyr. Dei turǵanmen osy kúnge deiin elimizde 102 287 adamnyń aýyrǵany belgili. Tek ótken táýliktiń ózinde ǵana elimizde 439 adamnan koronavirýs infektsiiasy anyqtaldy. Ólim-jitim áli de bar. Koronavirýs indetiniń taralýy birneshe ese tómendegendikten jáne ekonomikalyq ósimdi qalpyna keltirý úshin qatańdatylǵan karantin sharalaryn kezeń-kezeńmen alyp tastaý óte oryndy. El Úkimeti de 17 tamyzdan bastap osyndai qadamǵa barǵaly otyr», - dedi Marat Báshimov.
Osy rette Eýropalyq quqyq jáne adam quqyqtary institýtynyń direktory dúisenbiden bastap karantin sharalary kezeń-kezeń alynǵanymen keibir shekteý sharalarynyń qala beretindigine nazar aýdartty.
«Bul durys ta. Halyqty qajetti taýarlarmen jáne qyzmettermen qamtamasyz etý úshin keibir kommertsiialyq qurylymdar jumysyn bastaidy. Alaida senbi jáne jeksendi kúnderi karantin sharalary qoldanysta bolatyndyǵy belgili. Munyń barlyǵy da kornavirýs indetiniń qaitadan órship, bilik taǵy da májbúrli túrde naqty qadamdarǵa barmaýy úshin asa mańyzdy. Sondyqtan endigi ýaqytta halyq ózin-ózi oqshaýlaýdan ózin-ózi qorǵaýǵa kóshýi qajet», - dedi ol.
