Ońtústik Qazaqstan oblysy ákimdigi men Reseidiń Novosibirsk qalasyndaǵy «Fýdsib» saýda kesheni arasynda yntymaqtastyq týraly memorandýmǵa qol qoiyldy, dep habarlaidy "Ult aqparat" aimaq basshysynyń baspasóz qyzmetine silteme jasap.
Kelisimniń maqsaty - óńirdegi aýylsharýashylyq taýar óndirýshileriniń eksporttyq áleýetin arttyrýdy kózdeidi. Mundai kelisimge kórshi eldegi «Fýdsib» jemister men kókónister kóterme jáne bólshek saýda kesheniniń ashylý rásimi barysynda qol jetkizilip otyr. Atalǵan jiynǵa oblys ákiminiń tapsyrmasymen OQO máslihat hatshysy Q.Balabiev, «Yrys» mikro qarjylyq uiymynyń direktory Daniiar Arynǵazin, Kólik jáne logistika aimaǵynyń bas direktory E. Bektaev, «Ordabasy qus» JShS basshysy B. Jumahanov qatysyp qaitty.
Eki el arasyndaǵy saýda-ekonomikalyq qatynastardy damytý maqsatynda uiymdastyrylǵan sapar jemisti bolyp, «OŃTÚSTIK» aimaqtyq investitsiialyq ortalyǵy «RIC ON EXPORT» baǵdarlamasyn iske qosty. Nátijesinde qazirgi tańda Ońtústikte óndirilgen taýarlardyń Novosibirsk qalasyna birinshi jetkizilimin jóneltý josparlanyp otyr. Osy oraida kompaniiada Resei Federatsiiasyna ónimderdi eksporttaýdy uiymdastyrýda aýyl sharýashylyǵy taýaryn óndirýshilerge qoldaý kórsetý jáne keshendi qyzmet kórsetý úshin arnaiy jumys toby quryldy.
Aita ketý kerek, «OŃTÚSTIK» AIO «RIC ON EXPORT» aýylsharýashylyq óndirýshileriniń eksporttyq áleýetin damytý baǵdarlamasynyń sheńberinde ortalyqpen qarjylandyrylǵan aýyl sharýashylyq taýar óndirýshileriniń qatysýymen «RIC ON KORME» atty turaqty kórme-jármeńke uiymdastyrylýda.
