Ońtústik Qazaqstan oblysyndaǵy perinataldyq ortalyqtardyń 32 dárigeri litvalyq áriptesterimen tájiribe almasatyn bolady. Eki el mamandary negizinen, akýsherlik jáne neonataldy kómek kórsetýdiń tiimdiligi týrasynda keńespek, dep habarlaidy QazAqparat tilshisi.
Ana men bala densaýlyǵyn saqtaýda jaqsy kórsetkishke qol jetkizgen pediatr mamandarmen búgin oblystyń densaýlyq saqtaý basqarmasynyń basshysy Muqan Egizbaev kezdesip, aldaǵy jumystaryn pysyqtady. Sebebi, elimizde árbir besinshi sábi ómirge keletin óńirde ana men bala densaýlyǵyn saqtap qalý men sapaly qyzmet kórsetý mańyzdy sanalady. Máselen Litva elinde jylyna bar-joǵy 3 myńdai náreste ǵana dúniege keledi eken. Alaida onda analar densaýlyǵynyń turaqtylyǵy jaǵynan kórsetkishi jaqsy. Statistikaǵa súiensek, bizdegi bul kórsetkish 70 myńnan asyp jyǵylady. Degenmen kúrmeýi sheshilmegen máseleler kóp. Eki aptalyq seminar kezinde mamandar ońtústikte qalyptasqan tájiribemen tereń tanysyp, keleli keńesterin beredi. Tájiribe almasýǵa kelgen 5 dáriger de Ǵylym-densaýlyq ýniversiteti klinikasynyń mamandary. Olar - týý jasyndaǵy analardyń densaýlyǵyn jaqsartý, dúnie esigin ashqan náresteni kútip - baptaýda joǵary biliktilikke ie.
«Qazaqstanda barlyq joǵary tehnologiialar júiesi jaqsy qalyptasqan eken. Náreste ómirin tolyqtai saqtap qalýǵa bolady. Biz osy seminar arqyly ony ári qarai damytýǵa kómektesemiz. Birlesken jobadan joǵary jetistikter kútýge bolady»,- deidi Litvalyq neonotolog dáriger Rasa Brinkis.
Sala mamandarynyń sózinshe, sheteldik dárigerler negizinen evropada qoldanylatyn tájiibelerin kórsetetin bolady. Ońtústiktegi jinaqtalǵan tájiribe almasady.
Aita keteiik, Litvalyq densaýlyq ǵylymy ýniversitetiniń klinikasy men Ońtústik Qazaqstan oblysyndaǵy mamandardyń tájiribe almasýy 2010 jyldan beri iske asyp keledi. Qol jetkizilgen jetistikter de jeterlik. Sondyqtan bul áriptestikti tereńdetýdiń Qazaqstan úshin tiimdiligi joǵary.
