Ońtústik Qazaqstan oblysynda jyl sońyna deiin 209 nysannyń 116-yn paidalanýǵa tapsyrý josparlanyp otyr. Sonyń ishinde 1 qyrkúiek kúni 20 mektep el igiligine berilmek. Atalǵan 209 investitsiialyq jobanyń iske asyrylýyna 64,9 mlrd. teńge baǵyttalǵan. Búgin bul týraly oblys ákimi J. Túimebaevtyń qatysýymen ótken selktorlyq otyrysta oblystyq qurylys basqarmasynyń basshysy Quttybek Jamashev málim etti.
Qurylysy josparlanǵan 209 nysannyń 93-i 2018 jylǵa ótpeli. Atap aitqanda, 79 bilim berý nysany, 38 densaýlyq saqtaý nysany, 1 áleýmettik qamtý, 3 sport, 4 mádeniet, 1 aýyl sharýashylyǵy, 1 ishki ister organnyń, 1 muraǵat, 2 abattandyrý, 1 qorshaǵan ortany qorǵaý, 57 turǵyn úi jáne 21–injenerlik-kommýnikatsiialyq nysannyń qurylysy josparlanǵan.
«Bilim berý salasyna jalpy 79 (76 mektep, 1 mektep-internat, 2 kolledj) nysanda qurylys jumystaryn júrgizýge 31,2 mlrd. teńge baǵyttalǵan, onyń ishinde ulttyq qordan – 17,4 mlrd. teńge qaralyp, «Nurly jol» baǵdarlamasy sheńberinde 32 mektep qurylysyn júrgizý josparlanǵan. 32 nysannyń 19-y 2016 jyldan ótpeli bolyp, 19-yn paidalanýǵa berý josparda bar. Búgingi kúnge 4 nysan paidalanýǵa berilgen. 2017 jyly qurylysy josparlanǵan 13 mektep 2018 jylǵa ótpeli», - deidi Quttybek Rahmatýllauly.
Sondai-aq 2016-2017 oqý jyldarynda oblysymyzdaǵy 94 bilim berý nysandarynda kúrdeli jóndeý jumystary júrgizilgen. Al biyl aýdandyq, qalalyq biýdjet esebinen 43 mektep pen 2 balabaqshada kúrdeli jóndeý jumystaryna 2,6 mlrd teńge qaralǵan. Búgingi tańda 45 bilim berý nysanynyń 36-synda kúrdeli jóndeý jumystary júrýde. Qalǵan 9 nysanda memlekettik satyp alý konkýrysy ótýde. Osy máselelerge toqtalǵan oblystyq bilim basqarmasy basshysynyń mindetin atqarýshy R. Ergashova Saryaǵash aýdanyndaǵy 15 bilim berý nysany men Túlkibas aýdanyndaǵy 4 mekteptiń kúrdeli jóndeý jumystary kelesi jylǵa ótpeli bolyp otyrǵandyǵyna toqtaldy.
«Oblysymyzdaǵy barlyq mektepterdegi kúrdeli jáne aǵymdaǵy jóndeý jumystary oqý maýsymy bastalǵansha bitýi tiis. Qurylystyń sapaly ári merzimdi aiaqtalýyna mán berilýi kerek. Sondai-aq jobalaý smetalyq qujattama jumystaryn tezdetip bitirýdiń joldaryn qarastyrǵan jón. Bul rette aýdan ákimderi ár apta saiyn atqarylǵan jumastardyń nátijesin baiandap otyratyn bolady», - dedi Janseiit Qanseiituly.
Selektorlyq jiynda oblystyq densaýlyq saqtaý basqarmasynyń basshysy Muhan Egizbaev sóz alyp, qazirgi tańda 5 nysanda kúrdeli jóndeý jumystary júrgizilip jatqandyǵyn aitty.
Budan bólek, 34 nysannyń jobalaý smetalyq qujattamaldary ázirlenýde. Bul jumystarǵa 3,8 mlrd teńge baǵyttalǵaly otyr.
