OQO-da jastar arasynda qylmys azaidy, dep habarlaidy "Ult aqparat" ákimniń baspasóz qyzmetine silteme jasap.
Ońtústik Qazaqstan oblysynda jastar arasyndaǵy qylmys pen quqyqbuzýshylyq kórsetkishi 2017 jyly ótken jylǵa qaraǵanda 307-ge azaiǵan. Bul oblys kóleminde júzege asyrylyp jatqan «Jas saqshy» jáne «Jas politsiia kómekshileri», «Aibyn» jobalary men mekenjailyq kómek kórsetý jumystarynyń nátijesi. Búgin bul týraly OQO óńirlik kommýnikatsiialar qyzmetinde ótken brifingte jastar saiasaty jónindegi basqarma basshysy Balmarjan Narbekova málimdedi.
Basqarma basshysynyń aitýynsha, «Serpin - 2050» jobasy aiasynda Soltústik aimaqtardaǵy joǵary oqý oryndarynda 6500-ge jýyq jas bilim alýda. Al kolledjderde tústik óńirden 1000-nan astam stýdent oqyp jatyr. Jalpy 4 jylda baǵdarlama boiynsha joǵary oqý oryndaryna oqýǵa qabyldanǵan stýdentterdiń 50 paiyzy Ońtústik Qazaqstan oblysynyń jastaryna tiesili.
Sondai-aq, «Diplommen aýylǵa» baǵdarlamasymen 2017 jyly 800-den astam mamanǵa joldama berilgen. Al onyń ishinde 300-ge jýyq jas turǵyn úimen qamtamasyz etilip otyr. Oblysta «Jastar praktikasy» baǵdarlamasy da óz jalǵasyn taýyp keledi.
«Jastar praktikasy» baǵdarlamasyna 2017 jyldyń 10 aidyń qorytyndysy boiynsha 5294 jas tartylyp, ótken jylmen salystyrǵanda 159 adamǵa ósti. Sondai-aq, 2017-2020 jyldarǵa arnalǵan óńirlik is-sharalar jospary udaiy oryndalyp keledi. Máselen, «Ólketaný» baǵdarlamasy aiasynda maýsym-qyrkúiek ailarynda oblystaǵy tarihi-mádeni oryndarǵa jastardyń ekskýrsiialary uiymdastyrylyp, oǵan 5 myńnan astam jas qatysty. Sonymen qatar, óńirdegi jazǵy lagerlerge jalpy sany 247,6 myńnan astam jas barǵan», - dedi Balmarjan Narbekova.
Sonymen qatar, jastardyń intellektýaldyq, patriottyq qasietterin arttyrý maqsatynda jergilikti telearnalardan birneshe telejobalar uiymdastyrylyp otyr.
