Ońtústik Qazaqstan oblysy óńirlik kommýnikatsiialar qyzmetinde óńirdegi jastardy kásipke baýlý jáne qolaily jaǵdai jasaý maqsatynda qolǵa alynǵan «Jas kásipker» jobasynyń tanystyrylymy ótti. Jobany «Ońtústik» aimaqtyq investitsiialyq ortalyǵy men «Yrys» mikroqarjy uiymy birlese qolǵa alyp otyr. Brifingke mekeme ókilderi qatysyp, jýrnalisterge «Jas kásipker» jobasyn tanystyrdy, dep habarlaidy "Ult aqparat".
«Elbasynyń «Bolashaqqa baǵdar: rýhani jańǵyrý» maqalasynda jastarǵa asa basymdyq berilgen. Bul oraida memlekettik uiymdardyń jastarǵa degen qoldaýy óte mańyzdy. Sony eskere otyryp biz «Jas kásipker» jobasyn iske asyrǵaly otyrmyz. Atalǵan jobanyń maqsaty - jastardyń biznes bastamalaryn qoldap, jumyssyzdyqty azaitý» - dedi «Ońtústik» aimaqtyq investitsiialyq ortalyǵy basqarma tóraǵasynyń orynbasary Timýr Ábildinov.
Aita keterligi, «Jas kásipker» jobasy baiqaý aiasynda júzege asyrylady. Bul konkýrs 2017 jyldyń jeltoqsan aiynda ótkizilmek. Oǵan 50 joba iriktelinip alynatyn bolady.
"Jobalar «Yrys» mikroqarjy uiymy arqyly qarjylandyrylady. Bolashaq jas kásipkerlerge 7 paiyzben 2 million teńgege deiin nesie beriledi. Qarjylandyrý merzimi 60 aiǵa deiin sozylady dep josparlap otyrmyz», - dedi «Yrys» mikroqarjy uiymynyń direktory Daniiar Arynǵazin.
Baiqaýǵa oblystaǵy kez-kelgen biznes jobasy bar 18 ben 29 jas aralyǵynda azamattar qatysa alady. Konkýrsqa aimaqtyń damýyna paidasy bar biznes usynystar qabyldanbaq. Ótinimder «Yrys» mikroqarjy uiymynda saraptalyp, Ońtústik Qazaqstan ákimdigi, "Nur Otan" partiiasy jáne "Atameken" kásipkerler palatasynyń ókilderinen quralǵan komissiianyń qaraýyna tapsyrylady.
Jobalardyń júzege asyrylýy barysynda monitoring jasalynyp, jas kásipkerlerge kompaniia tarapynan barynsha kómek jáne qoldaý kórsetiletin bolady.
