Ońtústik Qazaqstan oblysynyń ortalyǵy Shymkent qalasyndaǵy «Qazaqstan halqy Assambleiasy» ǵimaratynda Tuńǵysh Prezident kúnine arnalǵan 1000 adamnyń qatysýymen merekelik is-shara uiymdastyryldy. Sharaǵa qatysqan oblys ákimi Janseiit Túimebaev «Qazaqstan halqy Assambleiasy» ǵimaratynyń foiesinde uiymdastyrylǵan «Elbasy joldaýy jylnamasy» atty foto jáne kitap kórmesin aralap kórdi, dep habarlaidy Ult.kz tilshisi.
Munan soń óńir basshysy Nazarbaev ziiatkerlik mektebiniń shákirtteri uiymdastyrǵan «Biz Elbasymen birgemiz» atty fleshmobyn tamashalady.
Saltanatty jiyn «Qazaqstan Respýblikasynyń Tuńǵysh Prezidenti kúni» atty arnaiy daiyndalǵan beinebaiannyń kórsetilimimen bastaldy. Óz kezeginde sóz alǵan óńir basshysy jinalǵandardy ataýly merekemen quttyqtap, 16 azamatty alǵys hatpen marpattady.
«Sizderdi 1 jeltoqsan – Qazaqstan Respýblikasynyń Tuńǵysh Prezidenti kúnimen shyn júrekten quttyqtaimyn! Bul barsha qazaqstandyqtar úshin shyn mánindegi jalpy halyqtyq merekege ainalǵan kún. Búgin Prezidentimizdiń abyroily syrtqy saiasatynyń nátijesinde Táýelsiz Qazaqstan 70-ten astam halyqaralyq, aimaqtyq jáne vedomstvoaralyq uiymdarǵa múshe bolyp otyr. Senimmen tapsyrylǵan iri halyqaralyq uiymdardyń tóraǵalyǵyn atqyryp, mańyzdy is-sharalardy úlken deńgeide júzege asyrýda» - dedi Janseiit Qanseiituly.
Búginde oblys halqy birlik pen yntymaqtyń, ultaralyq jáne ultishilik tatýlyqtyń arqasynda Tuńǵysh Prezidentimizdiń «Qazaqstan - 2050» Strategiiasynyń, «100 naqty qadam» Ult josparynyń talaptary men mindetterin oryndaýda naqtyly tabystarǵa qol jetkizýde.
Elbasymyzdyń «Rýhani jańǵyrý», iaǵni qoǵamdyq sanany jańǵyrtý mindetterin júzege asyrýǵa ońtústikqazaqstandyqtar da óz úlesterin qosýda. Búgingi kúnge kásipkerler men demeýshiler tarapynan jalpy 30 mlrd. 350 mln. teńgeni quraityn 529 óńirlik joba qolǵa alyndy.
Saltanatty jiyn barysynda «Shattyq», «Shamsinur» bi ansamblderi «Rýhani jańǵyrý» horeografiialyq kompozitsiiasyn oryndady. Sh.Qaldaiaqov atyndaǵy oblystyq filarmoniia ánshileri «Elbasy – eldiń tutqasy», Elbasynyń súiip tyńdaityn ánderinen popýri oryndap, kórermenderge erekshe kóńil kúi syilady.
Jiyn barysynda ult lideri N.Á.Nazarbaevtyń «Balalyq shaǵymnyń aspany» atty filminen úzindi kórsetildi. Al Arys qalasyndaǵy áskeri garnizonynyń hor ujymy «Nur aǵa» ánin oryndady.
