Ońtústik Qazaqstan oblysynda 1 jeltoqsan - Qazaqstan Respýblikasynyń Tuńǵysh Prezidenti kúnine orai «Qaiyrymdylyq - qaiyrly is» forýmy ótti.
Oblystyq Qazaqstan halqy Assambleiasy uiymdastyrǵan sharaǵa jany jomart jandar qatysyp, muqtajdarǵa qarjylai kómek kórsetti, dep habarlaidy Ult.kz tilshisi.
Assambleia ǵimaratynda ótken igi sharaǵa oblystyq máslihattyń depýtattary, kásipkerler, etnomádeni birlestikterdiń tóraǵalary men belsendi músheleri, oblystyq assambleia janyndaǵy qurylymdardyń jetekshileri jáne óńir turǵyndary qatysty.
Qaiyrymdy jandardyń basyn qosqan sharanyń basty maqsaty kópshiliktiń demeýimen naýqas búldirshinderge kómek qolyn sozý boldy. Jiynda oblystyq Qazaqstan halqy Assambleiasy tóraǵasynyń orynbasary Muratáli Qalmuratov sóz sóilep, forýmnyń mańyzyna toqtaldy. Ol qaiyrymdylyq sharalaryn úilestirý búginde assambleia jumysynyń basty baǵytyna ainalǵanyn aityp ótti. Forým aiasynda oblystyq ázil-syqaq teatrynyń ártisteri «Yntymaq áýenderi» atty mýzykalyq komediiasyn kópshiliktiń nazaryna usyndy. Al, muqtaj jandarǵa jomarttyq tanytqandar arnaiy qoiylǵan jáshikke qarjy saldy.
Is-shara sońynda arnaiy qurylǵan komissiianyń tóraǵasy, OQO Qazaqstan halqy Assambleiasy janyndaǵy Qoǵamdyq kelisim keńesiniń jetekshisi Orynbai Rahmanberdiev biletten jáne qaiyrymdylyq aktsiiasynan qolma-qol 4 mln 589 myń teńge jinalǵanyn, taǵy birqatar jomart jandardyń 1 mln 400 myń teńgeni naýqas balalardyń jeke shotyna aýdarýǵa ýáde bergenin habarlady. Jiynda 5 balanyń ata-anasyna 500 myń teńgeden tapsyrylyp, qalǵan qarjy da tolyǵymen Almaty, Astana qalalaryndaǵy meditsinalyq uiymdarda em alý úshin kezekte turǵan ońtústikqazaqstandyq balalardyń emdelýine jumsalatynyn aitty.
Aita ketý kerek, qaiyrymdylyq sharasyna "Shymkent qus", «Ordabasy qus», «Bal Tekstil», «Amangeldi» jaýapkershiligi shekteýli seriktestikteri men Qazyǵurt aýdanynyń birqatar kásipkerleri belsendilik tanytty.
