Búgin Memleket basshysynyń qatysýymen ótken «Jańa indýstriialandyrý: qazaqstandyq barystyń qadamy» ulttyq telekópir barysynda Shymkent qalasynda ornalasqan kólik-logistikalyq ortalyǵyndaǵy «Continental Logistics Shymkent» A + sanatyndaǵy keshendi iske qosty, dep habarlaidy "Ult aqparat".
Munda qurǵaq jáne klimattyq qoimalardan bólek, konteinerlik terminal, kedendik resimdeý aimaǵy men ilespeli qurylymdary bar.
Telekópirge Ońtústik Qazaqstan oblysynyń ákimi Janseiit Túimebaev pen «Qazaqstan temir joly» UK» AQ vitse-prezidenti Sanjar Elýbaev jáne ortalyq qyzmetkerleri qatysty. Elbasyǵa jańa nysannyń mańyzdylyǵy týraly vitse-prezident baiandady.
«Qurmetti Prezident! Biz Shymkent qalasynda mýltimodeldi kólik-logistikalyq ortalyqtyń qurylysyn aiaqtadyq. Jyl saiyn shamamen 1 mln tonna júk ótkiziledi. Bizdiń ortalyq - Shyǵys-Batys, Ońtústik-Soltústik aǵynyna qyzmet etetin keden aimaǵy men tolyq servistik jelisi qamtylǵan zamanaýi keshen. Nursultan Ábishuly, osy infraqurylymdyq jobany iske qosýǵa ruqsat etińiz!», - dep surady «Qazaqstan Temir Joly» UK» AQ vitse-prezidenti Sanjar Elýbaev.
Mamandardyń aitýynsha, «Batys Eýropa - Batys Qytai» magistrali men temirjol jelisine jaqyn ornalasqan «Continental Logitics Shymkent» jańa kóliktik-logistikalyq ortalyǵynyń geografiialyq turǵydan tiimdi ornalasýynda. Bul óńirdi kóliktik-logistikalyq hab retinde qalyptastyrýǵa jáne Qazaqstannyń aýmaǵy arqyly ainalymdy ulǵaitýǵa kúshti serpin beretin júkterdi shoǵyrlandyrý jáne konsolidatsiialaý ortalyǵy retinde damytýǵa yqpal etedi.
Aita ketý kerek, aimaqtyń júk jóneltýshiler úshin artyqshylyǵy Cross Docking mýltimodaldy qyzmet kórsetý júiesin engizýi. Bul júie qoimalardaǵy qarapaiym júkterdi qospaǵanda, ásirese, úlken kólemde Ózbekstan, Tájikstan, Qyrǵyzstan men Reseiden jetkiziletin jemis-kókónis ónimderi siiaqty buzylatyn taýarlar úshin óte mańyzdy bolyp tabylady.
Qazirgi kezde jalpy aýmaǵy 92 gektardy quraityn «Ońtústik» kólik-logistikalyq ortalyǵynda investitsiia quny 35,6 mlrd teńge bolatyn 8 joba júzege asyrylýda. Aýmaǵy – 242 500 sharshy metrdi quraidy. Munda kedendik rásimdeý, fitosanitarlyq jáne veterinarlyq baqylaý qyzmetteri bir tereze qaǵidasymen júrgizilse, buǵan qosa ýaqytsha saqtaý qyzmeti de qarastyrylǵan.
Shymkenttegi atalǵan KLO halyqaralyq jáne respýblikalyq júk aǵymyna qyzmet kórsetý, sondai-aq, taýarlardyń qala men óńirlerge taratylýy úshin qoima jáne ilespe qyzmetter usyný maqsatynda qurylǵan.
