Ońtústik Qazaqstan oblysynda "Uly Otan soǵysynda qaza tapqan, habarsyz ketken bozdaqtardy izdestirý ádisteri jáne tarihi sanany qalyptastyrýdyń ózekti máseleleri» atty seminar ótti.
Oblystyq tilderdi damytý, arhivtermen qujattama basqarmasyna qarasty Shymkent óńirilik memlekettik arhivi jáne "Serpilis" qoǵamdyq qorynyń uiymdastyrýymen ótken sharaǵa tutqynda bolǵan 96 jastaǵy ardager men jaýapty mamandar, úkimettik emes uiymdar men qoǵam belsendileri qatysty, dep habarlaidy "Ult aqparat" QazAqparat agenttigine silteme jasap
Elbasynyń «Bolashaqqa baǵdar: rýhani jańǵyrý» atty baǵdarlamalyq maqalasy aiasynda uiymdastyrylǵan seminarda jinalǵan qaýym aldymen Qazaqstan ulttyq arnasynyń «Jýrnalistik zertteý» baǵdarlamasy túsirgen derekti filmdi tamashalady. Ótken ǵasyrdyń eń alapat soǵysy kezinde tutqynǵa túskender týraly maǵlumat aldy. Kontsentratsiialyq lagerlerde azaptalǵan, ajal qushqan, al keibireýleri sol zulmat kúnderden aman -esen elge oralǵandardyń ómirimen tanysty. Sondai-aq kezdesýde jalpy jurtqa arnalǵan, «Uly Otan soǵysynda» áskeri tutqynǵa túsken áskerler jaily jazylǵan "Tamuqtan tiri qaitqandar" kitaby kópshilik nazaryna usynyldy.
Jalpy, Qazaqstan soǵys jyldarynda qyzyl áskerge 1,2 mln adam jiberip, olardyń árbir ekinshisi soǵysta qaza tapsa, 200 myńy tutqynǵa túsken. Al, jańadan jaryq kórgen kitapta ekinshi dúniejúzilik soǵysta Ońtústik Qazaqstan oblysynan maidan dalasyna shaqyrtylǵan jaýyngerlerdiń basynan keshken qiyndyqtary, soǵys jyldarynan keiingi ómir jolynyń qalyptasýy baiandalady.
