Ońtústik Qazaqstan oblysy aǵymdaǵy jyldyń 10 aiynda salyq túsimi boiynsha memlekettik biýdjet josparyn 103 paiyzǵa oryndady.
Belgilengen jospar 245 mlrd teńge bolsa, biýdjetke naqty 251 mlrd teńge óndirilgen, dep habarlaidy óńir basshysynyń baspasóz qyzmeti.
Búgin bul týraly OQO óńirlik kommýnikatsiialar qyzmetinde ótken brifingte oblystyq Memlekettik kirister departamentiniń basshysy Altynsary Úmbetaliev málimdedi.
Departament basshysynyń aitýynsha, memlekettik biýdjet túsimderiniń ósý qarqyny 2016 jyldyń osy kezeńimen salystyrǵanda edáýir artyp keledi.
«Respýblikalyq biýdjetke mejelengen jospar 151 mlrd teńge bolsa, ol 101 paiyzǵa oryndalyp, 152 mlrd teńgeni qurady. Al, jergilikti biýdjet boiynsha, 94 mlrd teńge josparlansa, naqty 99 mlrd teńge óndirildi. Nátijesinde jospar 106 paiyzǵa oryndalyp, jergilikti biýdjet qorjynyna artyǵymen 5 mlrd teńge qarjy tústi», - dedi Altynsary Dúisenbekuly.
Sonymen qatar, qazirgi tańda Ońtústik Qazaqstan oblysynda 216 myńnan astam shaǵyn jáne orta biznes ókilderi jumys atqaryp keledi. Osy sýbektilerden aǵymdaǵy jyldyń 10 aiynda memlekettik biýdjetke 104,6 mlrd teńge kóleminde salyq túsken.
Elbasy tapsyrmasyna orai, oblystyq Memlekettik kirister departamenti tarapynan salyqtyq tekserýler sany 2017 jyly byltyrǵy jyldyń osy kezeńimen salystyrǵanda 57 paiyzǵa kemigen. Sondai-aq, aǵymdaǵy jyldyń 10 aiynda kedendik tólemder men salyqtar boiynsha jospar 100 paiyzǵa oryndalyp, 51 mlrd teńgeni qurap otyr.
Budan bólek, oblystyń syrtqy taýar ainalymy aǵymdaǵy jyldyń osy kezeńinde 1 mlrd 438 mln AQSh dollaryn qurady. Onyń ishinde taýar eksporty 5 paiyzǵa, al taýar importy 36 paiyzǵa kóbeigen.
