Biyl Qazaqstan fermerler Odaǵynyń qurylǵanyna 15 jyl tolyp otyr. Osy mereili mereke qarsańynda Ońtústik Qazaqstan oblysynda ǵylymi konferentsiia uiymdastyryldy. Oblystyq fermerler odaǵy men aýyl sharýashylyǵy basqarmasy uiymdastyrǵan alqaly jiynǵa respýblikalyq fermerler odaǵynyń tóraǵasy Áýezhan Dárinov, «Atameken» kásipkerler palatasynyń oblystyq filialynyń direktory Asqar Ábýbakirov pen óńirdiń barlyq aýdandarynan 600-ge jýyq fermerler qatysty, dep habarlaidy "Ult aqparat".
Sharanyń maqsaty - agroónerkásip keshininiń damýyna kedergi bolyp otyrǵan ózekti máselelerdi anyqtap, fermerlerge barynsha qoldaý kórsetý. Sol arqyly halyqty sapaly azyq-túlik ónimderimen qamtamassyz etý.
Jiyn barysynda memlekettik qoldaýlardyń qol jetimdiligi, aýyl sharýashylyǵy kooperativterin qurý, sýarmaly jáne jaiylym jerlerdiń kólemin ulǵaitý syndy kókeikesti máseleler talqylandy. Oblystyń túkpir-túkpirinen jinalǵan fermerler osy baǵytta ózderiniń talap-tilekteri men usynystaryn jetkizdi. Máselen, saryaǵashtyq fermerler janar-jaǵarmai baǵasynyń kún sanap sharyqtap bara jatqandyǵyn aitsa, maqtaraldyq diqandar baqsha daqyldaryna da sýbsidiia berilse degen usynystaryn aitty. Al túrkistandyq sharaýalar agro salany qarjylai qoldaityn «Agrobank» qurylsa degen usynys bildirdi. Konferentsiiada aitylǵan barlyq usynystar fermerler odaǵynda saraptalyp, jaýapty memlekettik organdarǵa hatpen joldanatyn bolady.
Shara sońynda agroónerkásip keshenin damytýda belsendilik tanytyp, eseli eńbegimen kózge túsken óńir fermerleri Aýyl sharýashylyǵy ministrliginiń «Aýyl sharýashylyǵy salasynyń úzdigi» tós belgisimen jáne Qurmet gramotasymen marapattaldy.
Búginde fermerler odaǵynyń elimizdiń 8 oblysynda filialdary men 5 oblysynda ókildikteri jumys isteidi. Odaqqa 10 myńnan astam fermerler birikken. Al QR Fermerler odaǵynyń oblystyq filialy 2012 jyly qurylyp, sodan beri sharýalar men fermerlerge qolaily jaǵdai jasaý úshin júieli jumystar atqaryp keledi. Odaqtyń árbir aýdanda tóraǵalary sailanǵan. Jyl basynan beri oblystyq fermerler odaǵynyń uiymdastyrýmen barlyq aýdan-qalalarda kóshpeli jiyndar ótkizildi. Onda fermerlerdi mazalaityn máseleler aitylyp, ony sheshý boiynsha usynystar men talap-tilekter tyńdalǵan. Usynystardyń barlyǵy bilik organdaryna hatpen joldandy. Odan ózge Fermerler odaǵynyń uiytqy bolýmen agro saladaǵa jańa tehnologiialardy engizý, fermerlerdiń quqyqtary men múddelerin qorǵaý, memlekettik qoldaýlardy nasihattaý boiynsha birneshe seminar-keńester men dóńgelek ústelder uiymdastyrylǵan.
Konferentsiiaǵa qatysqan elimizdiń bas fermeri Áýezhan Darynov oblystyq fermerler odaǵynyń jumysyn joǵary baǵalap, aldaǵy isterine sáttilik tiledi.
