Búgin Shymkent qalasynda Orta Aziiadaǵy alǵashqy qýaty 0,5 megavatty quraityn «Biogaz qondyrǵylar kesheni» iske qosyldy, dep habarlaidy ákimniń baspasóz qyzmeti.
Qazaqstandaǵy biregei joba Elbasymyzdyń jarlyǵymen qabyldanǵan «Jasyl ekonomikaǵa kóshý tujyrymdamasyn» oryndaý maqsatynda iske asyrylyp otyr.
Ashylý saltanatyna qatysqan oblys ákimi Janseiit Túimebaev bul joba EKSPO-2017 halyqaralyq mamandandyrylǵan kórmesinde Ońtústik Qazaqstan oblysynan usynylyp kórsetilgenin atap ótti.
«Qondyrǵylar kesheninde halyqaralyq kórmesinde usynylǵan Chehiialyq «HEDVIGA GROUP» kompaniiasynyń jańa tehnologiialary qoldanyldy. Tehnologiianyń ereksheligi qalanyń sarqyndy sýlardy tazalaý imaratynan shyqqan shógindilerdi óńdep, odan biogaz alyp qoldaný arqyly, jylý jáne elektr energiialaryn óndirý bolyp tabylady. Nátijesinde bul tehnologiia syrtqy ortanyń lastanýyn edáýir tómendetip ekologiiany jaqsartýǵa úlken úles qosady. Jalpy oblysta jańǵyrmaly energiia kózderi salasyn damytý basty nazarǵa alynǵan. Mysaly, oblysta jalpy qýaty 183,9 megavatt bolatyn 14 jobany iske asyrý josparlanǵan. Búginde onyń 4 jobasy júzege asyryldy», - dedi ákim.
Initsiatory «Sý resýrstary - marketing» JShS-gi bolyp tabylatyn jobanyń quny 2 mlrd. 200 mln. teńge. Tehnologiialyq protseske sáikes qondyrǵy qaldyqtardy óńdeý arqyly táýligine 300 m3 metandy gazdy (biogaz) óndiredi. Munda turaqty jumys ornymen 20 adam qamtylyp otyr. Sonymen qatar, óndirilgen energiia kásiporynnyń jylý energiiasyna qajettiligin tolyǵymen, al elektr energiiasyna qajettiliginiń 50 paiyzyn jabatyn bolady.
Jalpy oblys kóleminde Memleket basshysynyń jańa energetikany damytý tapsyrmasyna sáikes jobalar kezeń-kezeńimen júzege asyrylýda. Máselen, oblysta jalpy qýaty 183,9 megavatt bolatyn 14 jobany iske asyrý josparlansa, búginde onyń 4 jobasy júzege asyryldy. Al osy jyldyń sońyna deiin Qazyǵurt aýdanynda Dostyq shaǵyn sý elektr stantsiiasy iske qosylady. Budan bólek, Saryaǵash aýdany, Jylǵa aýyldyq okrýginde qýaty 20 MVt «Jylǵa» jáne Maqtaral aýdany, Jetisai qalasy mańynda qýaty 5,0 MVt eki kún elektr stantsiialarynyń qurylys jumystary bastaldy.
