Elimizdiń Astana qalasy, Qostanai jáne Ońtústik Qazaqstan oblystarynda Ádep jónindegi keńes músheleriniń jumys belsendiligin arttyrý maqsatynda pilottyq joba júzege asyrylýda, dep habarlaidy "Ult aqparat".
Pilottyq joba aiasynda Ádep jónindegi keńes músheleriniń azamattardy qabyldaý, kóshpeli kezdesýler ótkizý kesteleri bekitilgen. Sondai-aq, QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Ońtústik Qazaqstan oblysy boiynsha departamentiniń memkyzmet.kz saitynda ornalastyryldy. Nátijesinde azamattardyń óz quqyqtaryn qorǵaý úshin departamentke emes, Ádep jónindegi keńes múshelerine tikelei shaǵymdanýǵa barlyq jaǵdailar jasalyp otyr.
Taiaýda pilottyq jobany halyqqa tanystyrý úshin oblysymyzdaǵy ádep jónindegi keńes músheleri Saryaǵash, Sozaq aýdandaryna arnaiy baryp, jergilikti halyqpen kezdesý ótkizdi. Keńes músheleri Á. Dosbolov pen «Azamattyq Alians» assotsiatsiiasynyń múshesi A.Ahmetov jeke qabyldaý ótkizip, birqatar issaparǵa barǵan memlekettik qyzmetshilerge issapar shyǵyndary tólenbegenin anyqtaǵan.
Osy kemshiliktiń negizinde oblystyń barlyq aýdan, qala ákimi apparattaryna zerdeleý jumystary júrgizilip, jyl basynan 1824 qyzmetshiniń issapar shyǵyndary óz ýaqytynda tólenbegeni anyqtalyp otyr. Osyǵan bailanysty memlekettik qyzmetshilerdiń quqyqtaryn qorǵaý maqsatynda A.Ahmetovtyń usynysymen atalǵan másele ádep jónindegi keńestiń otyrysynda talqylanyp, turaqty túrde monitoring júrgizetindigi jóninde tiisti hat joldandy.
