Jergilikti BAQ ókilderine Saryaǵash aýdanyna kezekti press-týr ótkizildi, dep habarlaidy "Ult aqparat".
Aýyldyq jerlerde kásipkerlikti damytý - «OŃTÚSTIK» aimaqtyq investitsiialyq ortalyǵynyń basym baǵyttarynyń biri. Atalmysh baǵytty damytý jolynda «OŃTÚSTIK» AIO kásipkerlikpen ainalysamyn deýshilerge barynsha qoldaý kórsetip keledi.
Aýdandar boiynsha qarjy ortalyǵynan qoldaý tapqan birneshe jobalardy úlgi retinde kórsetip, halyqqa kásipkerlikpen ainalysýdyń tiimdi jaqtaryn nasihattaý maqsatynda, aýdandyq jergilikti telearnanyń tilshilerine press-týr uiymdastyrylýda.
Búginde «OŃTÚSTIK» AIO Saryaǵash aýdany boiynsha jalpy somasy 3,2 mlrd teńgeni quraityn 1 265 jobany qarjylandyrǵan. Júzege asyrylǵan jobalar aiasynda 1 710 jańa jumys oryndary ashylǵan.
BAQ ókilderi qarjy ortalyǵy arqyly tómengi paiyzdyq nesiemen qarjylandyrylǵan «Saryaǵash jer syiy» JShS-nda boldy.
«OŃTÚSTIK» AIO-nan 15 mln teńge nesie alyp, jumysynyń tiimdiligin arttyryp otyrǵan seriktestik elitalyq kóshetterdi otyrǵyzý jəne kóbeitýmen ainalysady. Alǵan qarjysyna ónim saqtaý qoimasyn salyp, kassetaǵa kóshet otyrǵyzý qurylǵysy men kassetalaryn satyp alǵan. Qoimanyń syiymdylyǵy 240 tonna. Kóshet otyrǵyzý apparaty kúndigine 3 gektar jerge qajet dándi egip úlgeredi. Eýropadan ákelingen qurylǵynyń ázirge oblysta teńdesi joq. Búginde «Saryaǵash jer syiy» seriktestigi osy jelide qyzmet jasaý úshin 60-tan astam jergilikti turǵyndy jumyspen qamtyp otyr. Qojalyqta kivi, banan, ananas siiaqty sýbtropikti jemister sonymen qatar jańǵaq, limon, júzimniń óte az kezdesetin sorttary kóbeitilip, kóshetter Almaty, Jambyl, Qyzylorda jəne Aqtóbe siiaqty Qazaqstannyń birqatar oblystaryna jetkizilýde.
Sonymen qatar, jýrnalister osy kúni 2016 jyldyń qarasha aiynda «OŃTÚSTIK» AIO-nan 63,5 mln teńge kóleminde nesie alyp óz jumysyn bastaǵan «Saryaǵash-qus» JSSh-nda boldy. Nesieni óte oryndy paidalanǵan kásipker qarajatqa 46 myń balapan, olardy ósirýge qajetti jabdyqtar jáne vitaminder satyp alǵan. 165 kúnde taýyqqa ainalǵan qustar 41-42 myń jumyrtqa berip otyr. Jumyrtqalar Saryaǵash aýdanyndaǵy dúkenderge taratylady. Seriktestikte 15 adam jumyspen qamtylǵan.
Kásipker aldaǵy ýaqytta qus fermasynyń ónim kólemin arttyrý maqsatynda qosymsha taǵy da atalmysh ortalyqtan qarjy alýdy kózdep otyr. Osylaisha, jumys kózin molaityp, naryq suranysyn qamtymaq.
