Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty joldaýynda memlekettik qyzmetter kórsetý úderisin meilinshe ońtailandyrýǵa, adamnyń óziniń barýyn qajetsinbeitin qyzmetterdi tolyq elektrondyq formatqa kóshirýdi mindettedi.
Osy rette, QR Memlekettik qyzmet isteri jáne sybailas jemqorlyqqa qarsy is-qimyl agenttiginiń OQO boiynsha departamenti elektrondy túrde qyzmet alýdyń ashyqtyǵy men qoljetimdiligin qamtamasyz etý maqsatynda elektrondy túrde qyzmet alý tásilderi boiynsha eki tilde beinerolik ázirlep, «memkyzmet.kz» saitynyń «egov.kz» aidaryna ornalastyrdy.
Búginde elektrondy túrde kórsetilgen qyzmetter úlesiniń tómen bolýy, halyqtyń kompiýterlik saýattylyǵynyń tómendigi men qyzmetterdi elektrondy túrde alý tásilderin jetik meńgermeý saldarynan oryn alýda. Elektrondy qyzmet alý tásilderin meńgerýge septigin tigizetin bul beinerolik, aldaǵy ýaqytta óz jemisin beredi dep senemiz deidi departament mamandary.
Buǵan qosa, atalǵan beinerolik oblysymyzdaǵy 33 HQKO bólimderinde 2 ai kóleminde kórsetilip, barlyq memlekettik mekemelerdiń derbes jumys kompiýterlerine ornalastyryldy. Sonymen birge, OQO aimaqtyq oqytý ortalyǵy men joǵary oqý oryndarynda, kolledjder men mektepterde kórsetiletin bolady.
Atalǵan baǵyttaǵy jumystardyń oryndalýyn qamtamasyz etý úshin aǵymdaǵy jyldyń 9 qarashasynda oblys ákimdigi janyndaǵy sybailas jemqorlyqqa qarsy kúres máseleleri jónindegi komissiia otyrysynda oblys ákimi J.Túimebaev memlekettik organ basshylary men qyzmetkerlerdiń HQKO barmai memlekettik qyzmetterdi «egov» portaly arqyly elektrondy túrde qyzmet alýdy tapsyrdy.
Ońtústik Qazaqstan oblysy ákiminiń baspasóz qyzmeti
