Ońtústik Qazaqstan oblysynda Elbasynyń «Rýhani jańǵyrý» baǵdarlamalyq maqalasynyń júzege asyrylýy barysyn talqylaý maqsatynda keńeitilgen májilis ótti, dep habarlaidy "Ult aqparat" ákimdiktiń baspasóz qyzmetine silteme jasap.
Májiliske L.Gýmilev atyndaǵy Eýraziia Ulttyq ýniversiteti rektorynyń áleýmettik-mádeni damý jónindegi prorektory Dihan Qamzabekuly, alashtanýshy, L.Gýmilev atyndaǵy Eýraziia Ulttyq ýniversiteti «Otyrar» kitaphanasy ǵylymi-zertteý ortalyǵynyń direktory, f.ǵ.d. professor Tursyn Jurtbai, f.ǵ.d. professor, QR UǴA korrespondent múshesi Amantai Shárip, Alash arysy Qoshke Kemeńgerulynyń urpaǵy Rizabek Kemeńger, aqyn, qalamger Serik Seitman, QR UǴA múshe-korrespondenti f.ǵ.d. professor Sherýbai Qurmanbaiuly, Alash arysy Qoshke Kemeńgerulynyń urpaǵy L.Gýmilev atyndaǵy Eýraziia Ulttyq ýniversiteti qazaq ádebieti kafedrasynyń dotsenti, f.ǵ.k, Qaiyrbek Kemeńger qatysty.
Májiliste sóz alǵan óńirlik Jobalyq keńseniń basshysy B.Áshirbekov Elbasy baǵdarlamasynyń Ońtústik Qazaqstan oblysynda iske asyrylýy jóninde baiandama jasap, atqarylǵan jumystarǵa toqtaldy.
Óńirdegi atqarylǵan jumystarǵa qanyqqan L.Gýmilev atyndaǵy Eýraziia Ulttyq ýniversieti rektorynyń áleýmettik-mádeni damý jónindegi prorektory Dihan Qamzabekuly Elbasynyń «Rýhani jańǵyrý» baǵdarlamasynyń mańyzdylyǵy jaiynda sóz qozǵady. Ol sondai-aq, respýblika kóleminde qolǵa alynǵan jobalyq menedjment jumysy boiynsha Ońtústik Qazaqstan oblysyndaǵy qoǵamdyq sanany jańǵyrtý jobalyq keńsesi tarapynan júzege asyrylyp jatqan jumystarǵa oń baǵasyn berdi.
«Búginde elimizdiń basqa aimaqtarymen salystyrǵanda Ońtústik Qazaqstan oblysynda júieli jumystardyń jasalynyp jatqanyn baiqaýǵa bolady. Osy rette Ońtústik Qazaqstan oblysynyń ákimi Janseiit Qanseiitulynyń bastamasymen birqatar igi ister qolǵa alynyp jatqanyna qanyqtyq. Óńirlik Jobalyq keńse jumysy da jolǵa qoiylǵanyn baiqaý qiyn emes» ,- dedi Dihan Qamzabekuly.
Munan soń sóz alǵan L.Gýmilev atyndaǵy Eýraziia Ulttyq ýniversiteti «Otyrar» kitaphanasy ǵylymi-zertteý ortalyǵynyń direktory, f.ǵ.d. professor Tursyn Jurtbai ulystyń uiytqysyna ainalǵan Ońtústiktiń jaqsy qasietteri jaily paiymdy pikirin bildirdi.
Jiyn barysynda Ońtústik Qazaqstan oblysy ákimdiginiń janynan qurylǵan jobalyq keńse qyzmetkerleri qonaqtarǵa baǵdarlamalyq maqalany júzege asyrý boiynsha ózderiniń usynys, pikirlerin jetkizdi.
