Ońtústik Qazaqstan oblysy Saryaǵash qalasynda dziýdodan jastar men jasóspirimder arasynda halyqaralyq týrnir ótti. Tuńǵysh prezident kúnine arnalǵan dástúrli jarysqa 500-ge jýyq sportshy qatysty. Tatamidegi beldesý básekesi qazaq pen ózbek balýandary arasynda órbidi, dep habarlaidy Ult.kz tilshisi.
Dziýdoshylar jarysynda olja salǵandardyń aldy osy kúni álemdik arenalarda el namysyn abroimen qorǵap júr. Jarysqa qatysýshylar qatary da jyldan jylǵa artyp keledi. Biyl kórshiles Ózbekstanan 100-den asa sportshy kelipti. Sondai-aq Tájikstan men Qyrǵyzstan jáne elimizdiń túkpir-túkpirinen jinalǵan 500 ge jýyq úmitker 3 kún boiy 9 salmaq dárejesi boiynsha synǵa tústi. Básekelestik bolǵan jerde bás kórkiniń de qyza túseri belgili. Tatamidegi árbir beldesý tartysqa toly boldy.
Baqtiiar Qunaqynov, sambodan álem chempiony:
- Elbasymyz maqalasynda, júrgen jerinde árdaiym aýyl sportyn kóterý týraly aitady. Álem chempiondary olimpiada chempiondary bári aýyldan shyǵyp jatyr ózderińiz kórip otyrsyz. Qudai buiyrsa, osy bizde - elimizde, aýyldarda osyndai álem chempiondary, olimpiada chempiondary shyǵady degen úmittemiz.
Jarystyń alǵashqy kúni ózbek sportshylarynyń qarqyny kúshti boldy. Olar 4 salmaqtyń úsheýinde top jardy. Degenmen bizdiń dziýdoshylar namysty qoldan bergen joq. Daniiar Shamshaev pen Abylai Óteýov, Jorqamyrza Shúkirbekovter óz salmaq dárejeleri boiynsha jeńimpaz atandy. Komandalyq synda jerlesterimiz bas júlde ielense, Ózbekstan quramasy ekinshi, Tájikstandyqtar úshtikke taban tiredi.
Áýezhan Jumabaiuly, jattyqtyrýshy:
- Sporttyń qai túri bolsa da, "kúsh atasyn tanymas" degen bar ǵoi. Búgin myna Ózbekstannyń balýandary jaqsy óner kórsetip jatyr. Sebebi olar óz elindegi myqty-myqty balýandaryn ákeldi 1-shi 2-shi 3-shi nómirli balalaryn ákeldi. Al bizder, negizinen, ysylyp, kishkene tájiribe jinaqtasyn dep jastardy kóbirek qoiyp otyrmyz. Qudai qalasa, bulardyń ishinen jaqsy balýandar shyǵady.
Myqtyny jeńbei myqty bolmaitynyń anyq. Ózbek myqtylarymen iyq tirestirip júrgen balǵyn dziýdoshylarmyzdyń bolashaǵy jarqyn dep bilemiz. Jalpy, tájiribe almasyp, sheberlikti shyńdaý úshin jastarǵa osyndai jarystar qajet.
