Ońtústik Qazaqstan oblysynda aǵymdaǵy jyly oblystyq jer kadastry jáne jyljymaityn múlikti tehnikalyq tekserý departamenti halyqqa memlekettik jáne kommertsiialyq qyzmet kórsetý boiynsha birqatar aýqymdy jumystar atqardy.
Máselen, osy jyldyń 10 aiynda jer telimine jalpy 50 myńnan astam sáikestendirý qujaty jáne jyljymaityn múlik nysandaryna 25 myńǵa jýyq tehnikalyq tólqujat ázirlengen. Bul týraly búgin OQO óńirlik kommýnikatsiialar qyzmetinde ótken baspasóz konferentsiiasynda oblystyq jer kadastry jáne jyljymaityn múlikti tehnikalyq tekserý departamentiniń direktory Danabek Isabekov málimdedi, dep habarlaidy aimaq basshysynyń baspasóz qyzmeti.
Onyń aitýynsha, departament 14 memlekettik jáne 30-dan astam kommertsiialyq qyzmet kórsetip keledi. Atap aitqanda, jer telimine jeke menshik quqyǵyna jáne jerdi paidalaný quqyǵyna aktilerdi rásimdeý, sondai-aq jer teliminiń kadastrlyq qunyn anyqtaý syndy qyzmet túrlerin kórsetip keledi.
«Eń úlken suranysqa ie qyzmet túrleri - jer telimderine sáikestendirý qujattaryn jáne jyljymaityn múlik nysandarynyń tehnikalyq tólqujatyn daiyndaý bolyp otyr. Qazirgi tańda memlekettik qyzmetterge qujattardy qabyldaý jáne berý Halyqqa qyzmet kórsetý ortalyqtary arqyly júzege asyrylady», - dedi Danabek Erjanuly.
Sonymen qatar, oblystyq jer kadastry jáne jyljymaityn múlikti tehnikalyq tekserý departamentiniń Qazyǵurt aýdandyq bólimshesi biylǵy jyldyń naýryz aiynan pilottyq jobany iske qosqan. Ony iske asyrý maqsatynda jumysshy toby qurylyp, jyljymaityn múlikke quqyqtardy memlekettik tirkeý qyzmetiniń kórsetilý sapasy baqylaýǵa alynyp otyr.
Baspasóz konferentsiiasynda departament basshysy mekeme qyzmetkerleri tarapynan durys qyzmet kórsetilmegen jaǵdaida nemese týyndaǵan máseleler men aryz-shaǵymdar boiynsha 8-747-703-76-21 nómirine, iaǵni, «WhatsApp» jelisine habarlasýǵa bolatynyn atap ótti. Sondai-aq, ol departamenttiń barlyq bólimshelerinde shaǵym-usynys jáshikteri ornalastyrylǵanyn jetkizdi.
