Ońtústik Qazaqstan oblysy Shymkent qalasyndaǵy mamandandyrylǵan HQKO 10 aida azamattardan 175 myńǵa jýyq qujat qabyldaǵan. Sondai-aq, 51 794 júrgizýshi kýáligi berilgen. Bul týraly OQO óńirlik kommýnikatsiialar qyzmetinde ótken brifingte oblystyq «Halyqqa qyzmet kórsetý ortalyǵy» departamentiniń direktory Erkebulan Álseiitov málimdedi, dep habarlaidy "Ult aqparat".
Qazirgi tańda «Dostyq» shaǵyn aýdanynda ornalasqan mamandandyrylǵan HQKO-da azamattar óz avtokólikterin qaita tirkeýden ótkizip, qajetti kategoriia úshin tájiribelik emtihandy tapsyra alady. Sondai-aq, mamandandyrylǵan ortalyqta júrgizýshi kýáligin alý úshin meditsinalyq tekserýden ótýge de múmkindik bar.
«Aita ketetini, daiyn júrgizýshi kýáligin kez kelgen Shymkent qalasyndaǵy HQKO-dan alýǵa bolatyn joba iske qosyldy. Pilottyq joba qyzmet alýshylardyń ýaqytyn únemdeýge jáne mamandandyrylǵan ortalyqtarda kezekti azaitýǵa múmkindik beredi», - dedi Erkebulan Asanbaiuly.
Departament direktorynyń málimdeýinshe, aǵymdaǵy jyldyń maýsym aiynan bastap jańa «Táýlik boiy» jumys isteitin pilottyq jobasy iske qosylǵan. Joba negizinde qala turǵyndary men qonaqtary saǵat 20.00 men 24.00 aralyǵynda memlekettik qyzmetterdi alýǵa ótinish bere alady. Maýsym aiynan bastap «Táýlik boiy» jumys rejiminde azamattarǵa 3500-ǵa jýyq qyzmet kórsetilgen.
Sondai-aq, www.egov.kz elektrondyq úkimet portalynda árbir paidalanýshyǵa jeke kabinet jumys isteidi. Onda túrli málimetter jáne paidaly servistik qyzmet túrleri engizilgen. Máselen, kez kelgen azamat ákimshilik aiyppuldar jaily aqparat alyp, turǵyn-úige kezekke jáne nekege turý syndy qyzmetterdi paidalana alady
